ბილი აილიში
ბილი აილიშ პაირატ ბერდ ო’კონელი (ინგლ. Billie Eilish Pirate Baird O'Connell; [[IPA შანეფიშ ერკებული|/]]ˈaɪlɪʃ[[IPA შანეფიშ ერკებული|/]];[1] დ. 18 ქირსეთუთა, 2001) — ამერიკალი მობირე, ბირეფიშ ავტორი, მოდელი დო მასხაპალი. მიარე კათაქ გეჩინებაფუ 2016 წანას SoundCloud-ის ეხარგელი ოდებიუტე სინგლით „ocean eyes“. 2019 წანას გიშულირი მუში ოდებიუტე ალბომქ When We All Fall Asleep, Where Do We Go? ბრიტანეთიშ, კანადაშ დო ავსტრალიაშ ჩარტეფს მაართა აბანს მოხვადჷ.
| ბილი აილიში | |
 აილიში iHeartRadio Music Awards 2019-ის | |
| ჯოხო დაბადებაშვანს | ბილი აილიშ პაირატ ბერდ ო’კონელი |
|---|---|
| მოღალობა |
|
ბიოგრაფიული ჩინებეფი | |
| დაბადებაშ თარიღი | |
| დაბადებაშ აბანი | |
| მენოღალობა | |
[site.billieeilish.com ოფიციალური ვებ-ხასჷლა] | |
რინა დო კარიერა
ორდოიანი დაჭყაფური
დებადჷ დო იირდჷ ლოს-ანჯელესის, მუსიკოსეფიშ დო სახიობეფიშ ფანიას.[2][3][4][5] თიში დიდა დო მუმა, მეგი ბერდი დო პატრიკ ო’კონელი პროფესიათ სახიობეფი, სცენარისტეფი დო მუსიკოსეფი რენა;[6][7][8] თის შოტლანდიური დო ირალანდიური ჯინჯი უღჷ.[9] ჸუდეს იგურუ დო ბრუო წანერ რდჷნ თეშ, ლოს-ანჯელესიშ ბაღანეფიშ ბუნას ახოლჷ. ვითაართი წანერი რდჷნ თეშ, დორხველ ბირეფიშ ჭარუა დიჭყჷ მუშ ჯიმაწკჷმა, ფინიას ო’კონელწკჷმა ართო, მისჷთ თე საქვარს ჯგირი გომორსილობა უღუდჷ, მუშენ-და მუშ ბენდწკჷმა ართო ჭარუნდჷ დო ობჟინუანდჷ ბირეფს.[10] 2015 წანაშ გჷმათუთას, ენაჭარჷ ბირა „Ocean Eyes“ დო მუშ ქორეოგრაფწკჷმა ართო დოდგჷ სხაპუა.[11]
2016 წანას SoundCloud-ის გჷმიბჟინინ აილიშიშ ოდებიუტე სინგლიქ „Ocean Eyes“. სინგლიშ მუსიკალურ ვიდეოქ გიშართჷ — 2016 წანაშ 24 მელახის. კინე თე წანას გიშეშქვინჷ თიში გეჸვენჯ სინგლიქ, „Six Feet Under“[12] 2017 წანაშ 14 ღურთუთას გჷმაბჟინუ EP, სოდეთ „Ocean Eyes“-იშ სუმი რემიქსიქ მიშართჷ[13]
2016–2017: წიმოძინა დო Don't Smile at Me
„Ocean Eyes“-იშ რემიქსული ვერსიეფიშ წჷმოძინაშ უკული, 2017 წანაშ 24 ფურთუთას აილიშიქ გჷმაბჟინუ გეჸვენჯი სინგლი „Bellyache“,[14] ნამუთ ჭარჷ ფინეას ო’კონელიწკჷმა ართო დო ვიდეოქ გჷმიბჟინუ 2017 წანაშ 22 მელახის. კინ თი წანაშ 30 მელახის ინაჭარჷ ბირა „bored“ Netflix-იშ ტელესერიალიშო „13 ბაძაძი“[15] 2017 წანაშ 30 მანგის აილიშიქ გჷშაშქჷ სინგლი „Watch“[16] 2017 წანაშ 11 კვირკვეს, „Copycat“-იშ გჷშაშქუმალაშ უკული დეანონსჷ თიში ოდებიუტე EP Don't Smile at Me-იქ, ნამუქჷთ გჷშართჷ 2017 წანაშ 21 მარაშნათუთას.[17] ალბომიშ გჷშულაშე მალას, აილიშიქ ინაჭარჷ დუეტი ამერიკალ რეპერ Vince Staples-წკჷმა.
2018 — When We All Fall Asleep, Where Do We Go
2018 წანაშ ფრევალს აილიშიქ დიჭყჷ Where's My Mind ტური, ნამუქჷთ ითუ კინ თი წანაშ პირელს.[18] 2018 წანაშ Record Store Day-შო აილიშიქ გიშაშქჷ ბირაშ „Party Favor“ დო ამერიკალი რეპერიშ დრეიკიშ „Hotline Bling“-იშ აკუსტიკური ვერსია.[19] თიქ თაშნეშე ინაჭარჷ დუეტი ამერიკალ რეპერ Khalid-წკჷმა ჯოხოდვალათ „Lovely“, ნამუქით 2018 წანაშ პირელს გიშართჷ დო გიმორინაფილქ იჸუ საუნდტრეკო სერიალიშ „13 ბაძაძი“-იშ მაჟირა სეზონიშო.[20] უკულნეშის გიშართჷ სინგლეფქ „Bitches Broken Hearts“ და „You Should See Me in a Crown“.[21] 2018 წანაშ გჷმათუთას თიქ ხოლო ართი სინგლი „When the Party's Over“ გჷმაბჟინუ.[22][23]
2019 წანაშ 29 მელახის გიშართჷ ალბომქ When We All Fall Asleep, Where Do We Go. კინ თი წანაშ 13 პირელს აილიშიქ დიჭყჷ ტურნე „When We All Fall Asleep Tour“.[24]
დორხველი რინა
2018 წანაშ 27 გერგობათუთა, თიშ უკულ მუთ ინტერნეტის მოდვეს ვიდეოეფი, სოდეთ აილიში ოლინუანდჷ სიმპტომეფს, ნამუთ ოსქუუდჷ ჟილ დე ლა ტურეტიშ სინდრომს, თიქ აღიარჷ, ნამდა თე სინდრომი დასურო მუშ რინაშ ნორთი რდჷნ. [25][26]
დისკოგრაფია
თარი სტატია: ბილი აილიშიშ დისკოგრაფია.- სტუდიური ალბომეფი
- When We All Fall Asleep, Where Do We Go? (2019)
