ერევანი (სომეხ. Երևան, Երեվան) — ნოღა სომხეთის, სომხეთიშ არძაშ უდიდაშ ნოღა დო სომხეთიშ ნანანოღა. 2011 წანაშ მუნაჩემეფით ნოღას ოხორანს 1 060 138 მახორუ. ერევანი სომხეთის ისტორიული, ეკონომიკური, ფინანსური დო კულტურული ცენტრი რე. ნოღა წყარმალუ რაზდანიშ წყარპიჯის იდვალუაფუ. ერევანი დოხოლაფირო 2,780 წანერი დო მოსოფელიშ ართ-ართი უჯვეშაში ნოღა რე.
ისტორია
ერევანი სომხეთიშ ისტორიაშ ლიტერატურას მაართაშე VI ოშწანურაშ დაჭყაფუშ იშინუაფუ. არქეოლოგიური გონთხორუეფიშ შედეგო მეგორაფილი მარჭვალურ მიკნაჭარეფიშ მეჯინათ, ურარტუშ მაფა არგიშთი I-ქ ჯვ. წ. 782 აკაგჷ ჯიხა ერებუნი, ნამუშ გოხოლუას დოდგუ თეხანური ერევანი.[2] XIII ოშწანურაშე იძნანდჷ ერევანიშ ეკონომიკური დო პოლიტიკური შანულობა. 1440-იან წანეფშე ბჟაეიოლ სომხეთიშ ადმინისტრაციული ცენტრო გჷნირთჷ. 1513 წანაშე 1735 წანაშახ ჯიხა დო ნოღა მიარეშა მოჯალაგეს ოსმალეთიქ დო ირანქ. 1604 წანას ერევანი ქჷდიჸუნუ აბას I-ქ დო სომხეთიშ მახორობა ირანშა გეგნახორუ, მარა ნოღაქ მალას აკოდგინჷ დო ერევანიშ სახანოშ ცენტრო გჷნირთჷ. XVII ოშწანურას, ერევანს ეკონომიკურ ეჸონუაქ დიჭყჷ. 1827 წანაშ 1 გჷმათუთას ნოღა რუსეთიშ ჯარქ ქჷდიჸუნუ დო თურქ-მანჩაიშ ზავით ბჟაეიოლ სომხეთიშ ტერიტორიაწკჷმა ართო რუსეთის ქჷმიარსხუ 1828 წანას. ერევანი დიო სამაზრო ნოღა რდჷ, 1849 წანაშე ერევანიშ გუბერნიაშ ცენტრო გჷნირთჷ. 1902 წანას ერევანქ რკინაშარათ ქიმიარსხუ ქართის, 1908 - ჯულფას, ნამუქჷთ ხე უნწყუ ნოღაშ ეკონომიკურ მოჭყანიარაფას.
დომაჸალაფირი დო პარტნიორი ნოღეფი
ერევანიშ დომაჸალაფირი ნოღეფი რე:
 ანტანანარივუ, მადაგასკარი ბეირუთი, ლიბანი ბრატისლავა, სლოვაკეთი ბუენოს-აირესი, არგენტინა ვენეცია, იტალია- კარარა, იტალია
- ფლორენცია, იტალია
 დამასკო, სირია ისპაანი, ირანი ქართი, საქორთუო
|  კემბრიჯი, ააშ კიშინიოვი, მოლდოვა- ლოს-ანჯელესი, ააშ
 მარსელი, საფრანგეთი მონრეალი, კანადა- ნიცა, საფრანგეთი
 ოდესა, უკრაინა დონიშ როსტოვი, რუსეთი სან-პაულუ, ბრაზილია რიგა, ლატვია
|
რესურსეფი ინტერნეტის
სქოლიო
ვიკიოწკარუეს
? რე ხასჷლა თემაშენ:
.svg){kind=small}
