შრი-ლანკა

• ოფიციალური ნანანოღა: შრი-ჯაიავარდენეპურა-კოტე (უჟინაში სასამარათლოშ დო პარლამენტიშ ორენი).
• ფაქტიური ნანანოღა: კოლომბო (თარობაშ, პრეზიდენტიშ რეზიდენციაშ ორენი). კოკის ობჟათე დო ბჟადალი კოდეფი უღუ: დონდრა დო დატჩ–ბეი.

კოკი შრი–ლანკა ობჟათე აზიას მილარე, ინდოსტანიშ ობჟათე ჩქონიშ ონდეთ ბჟაეიოლშე ომძღჷ ინდოეთიშ ოკიანე დო ბენგალიშ ჸუჯი. ინდოსტანშე გჷშართილი რე მანარიშ ჸუჯით დო პოლკიშ საროტით. თაშ ჯოხოდვალირი ადამიშ ხინჯიქ — პოლკიშ საროტის გეგნორჩხჷ — ართ ბორჯის შრი–ლანკაშ მატერიკშა მიმარსხუაფალი დიხაშ ნორთი, მარა ხენაჭარეფიშ მუნაჩამუეფით თე დიხაშ ნორთი აკოპანჯჷ დოხოლაფირო 1481 წანაშ დიხაშ ნწალუაქ.

რელიეფი

ტერიტორიაშ უმენტაში ნორთი უკინებუ წყარპიჯ რზენეფს. გვალეფი, ქიანაშ ცენტრალურ ნორთის მილარე; არძაშე უმაღალაში კონკა რე — გვალა პინდურუტალაგალა (2524 მ), მაჟია ჩინებული კონკა რე — შრი პადა (ჩინებული რე ხოლო მუჭოთ ადამიშ კონკა).

კლიმატი

სუბეკვატორული მუსონური: ოორუე–ბჟაეიოლური მუსონი იგჷნძორებუ გჷმათუთაშე მელახშა, ობჟათე–ბჟადალური მუსონი — ივანობაშე გჷმათუთაშა.

დინოხოლენი წყარეფი

რზენეფიშ წყარმალუეფი კუნტა რე. გვალაშ წყარმალუეფს დიდ ჰიდროენერგოშილებუა უღუნა. წყარმალუეფიშ უმენტაშობას წყარი – ტიბუ რე. ქიანაშ უდიდაშ წყარმალუეფი რე - მახაველი–განგა, კელანი, კალუ, არუვი–არუ.

მახორობაშ მუდანობა — 21,3 მლნ კოჩი (2009 წანაშ კვირკვეშ მუნაჩემეფით).

წანმოწანური ძინა — 0,9 %.

დაბადება — 16,2 1000–შე (ფერტილურჷოფა — 1,99 დაბადება ართ ოსურშე);

ღურალა — 6,1 1000–შე;

ემიგრაცია — 1,1 1000–შე;

ჩქჷჩქჷუეფიშ ღურალა — 18,5 1000–შე;

თელარაშ ოშქაშე სიგჷნძა — 73 წანა კოჩეფწკჷმა, 77 წანა ოსურეფწჷკუმა.

სინგალეფი დოხოლაფირო ნთელ მახორობაშ 75% რე, ტამილეფი — დოხოლაფირო მახორობაშ 18% რე, უმენტაშო ქიანაშ ოორუე დო ბჟაეიოლ რაიონეფს. თაქ ხოლო ოხორანა ლანელი მავრეფი (ლარაკალა - არაბეფიშ გამნარყეფი) — დოხოლაფირო მახორობაშ 7% რე, ბიურგერეფი (ევროპალწკჷმა კათაფილი ფანიაშ გამნარყეფი) — დოხოლაფირო მახორობაშ 0,3% რე, ვედეფი (კოკიშ უჯვეშაში მახორუეფიშ გამნარყეფი) — დოხოლაფირო 1000 კოჩი.

მახორობაშ დოხოლაფირო 70 % (უმენტაშო, სინგალეფი) ბუდისტი რე, 15 % რე — ინდუზმიშ (თამილეფი), 8 % რე — ქირსიანობაშ, 7 % რე — ისლამიშ (ლანელი მავრეფი).

ჭარუა–კითხირიშ რჩქინაშ დონე — 92 % ქომოლკოჩეფწკჷმა, 89 % ოსურკოჩეფწკჷმა (2001 წანაშ მუნაჩემეფით).

• 
  ბუდაშ ნოჭახნაკუ
• 
• 
  შრი-ლანკაშ მუნჭყვეფი
• 
  შრი–ლანკაშ ჩაი
• 
  Sigirya-შ ფრესკა
• 
  Sigirya
• 

• შრი–ლანკაშ თარობაშ ოფიციალური ვებ–ხასჷლა
• შრი–ლანკაშ პარლამენტიშ ოფიციალური ვებ–ხასჷლა
• შრი–ლანკაშ თარობაშ ახალ ამბეფიშ ოფიციალური ვებ–ხასჷლა Archived 2015-08-10 ვებ-ხასჷლას Wayback Machine.
• შრი–ლანკაშ პრეზიდენტიშ ოფიციალური ვებ–ხასჷლა Archived 2011-07-25 ვებ-ხასჷლას Wayback Machine.
• შრი–ლანკაშ უჟინაშ სასამართლოშ ოფიციალური ვებ–ხასჷლა
• შრი–ლანკაშ სტატისტიკაშ ოფიციალური ვებ–ხასჷლა
• Annual Report 2010 შრი–ლანკაშ ფინანსეფიშ ომინისტრე Archived 2011-12-01 ვებ-ხასჷლას Wayback Machine.
• Sri Lanka ბრიტანიკაშ ენციკლოპედია
• Introducing Sri Lanka შრი–ლანკაშ რუკა Lonely Planet–იშ მუნაჩემეფით
• Mahavamsa 6–ა ოშწანურაშ ჯვეშ შრი–ლანკაშ ქრონიკეფიშ ხეჭარუეფი
• შრი–ლანკაშ რუკა Google Maps–ის