კამერონ დიასი
კამერონ დიასი (ინგლ. Cameron Diaz; დ. 30 მარაშინათუთა, 1972) — ამერიკალი არტისტი დო ჸოფილი მოდელი. პოპულარობა მიპალუ 1990-იან წანეფს, მუჟამსჷთ აკათჷ ფილმეფს: „მარშიმი“, „საუჯგუშო მაჸალეშ დიარა“ დო „არძა მერიშე იხანგებუ“. დიასიქ ილაყაფჷ ხოლო ფილმის „ჩარლიშ ანგილოზეფი“, სოდეთ არსულჷ ნატალი კუკიშ როლი. შხვადოშხვა ბორჯის ნომინირაფილი რდჷ ორქოშ გლობუსის რსულებრი როლეფიშო ფილმეფს: „არძა მერიშე იხანგებუ“, „რდა ჯონ მალკოვიჩი“, „ვანილიშ ცა“ დო „ნიუ-იორკიშ ბანდეფი“.
კამერონ დიასი | |
კამერონ მიშელ დიასი | |
კამერონ დიასი 2010 წანას | |
მოღალობა | |
---|---|
ბიოგრაფიული ჩინებეფი | |
დაბადებაშ თარიღი | |
დაბადებაშ აბანი | |
ბიოგრაფია
კამერონ დიასიქ დებადჷ კალიფორნიაშ შტატიშ ნოღას სან-დიეგოს, დიამუშიშ ობაჟეშ აგენტიშ ბილიშ დო მუამუშიშ ნავთობიშ კომპანიაშ მუშაშ ემილიო დიასიშ ფანიას.[1][2] მუმაშ განშე კამერონიშ ბები დო ბაბუ ერუანობათ ესპანარეფი რდეს, ნამუეფქჷთ დიხორეს ააშ-ს, კერძოთ, ნოღა ტამპას (ფლორიდაშ შტატი).[3][4] კამერონიშ დიდა გვერდო ინგლისარი, გერმანალი დო ჩეროკი გორჩქინაშ რე.[5][6][7] კამერონს ჸუნს უნჩაში და ჯოხოთ ხიმენე.[8] 16 წანაშ ასაკის დიასიქ კარიერა დიჭყჷ მუჭოთ მოდელქ.[8] უკულიან წანეფს კონტრაქტის აფორმენდჷ შხუ კომპანიეფწკჷმა, თინეფ შქას რდჷ Calvin Klein Inc. დო Levi Strauss & Co. 17 წანაშ ასაკის გიმორჩქინდჷ ჟურნალ Seventeen-იშ კაბრას.[9] კამერონ დიასი რდჷ ლონგ-ბიჩიშ ოშქაშე პოლიტექნიკურ სკოლას.[8][10] 21 წანაში ასაკის ილაჸაფჷ ფილმის „მარშიმი“, სოდეთ თიში პარტნიორქ იყუ ჯიმ კერიქ.
2008 წანაშ 15 პირელს, 58 წანაშ ასაკის კამერონს პნევმონიათ მუმაქ დუღურჷ.[11] 1995 წანაშე დიასი ურთიართობას რდჷ არტისტ მეტ დილონწკჷმა; 3 წანაშ უკული ჭკობაქ ართიანს დეთხიუ.[12] 1999 წანაშე ხვადუდ ჯერედ ლეტოს,[13] მორო 2003 წანას თინეფქ ართიანს დეთხის[14] 2003 წანაშე 2006 წანაშა ხვადუდჷ მობირეს დო არტისტის ჯასტინ ტიმბერლეიკის,[12] 2010 წანაშ კვირკვეშე 2011 წანაში ეკენიაშა ხვადუდჷ ავსტრალიარ სპორტსმენს ალექს როდრიგესის.[15]
ფილმოგრაფია
წანა | მარგალურო | ოდაბადური ჯოხოდვალა | როლი | |
---|---|---|---|---|
1994 | ფ | მარშიმი | The Mask | თინა კარლაილი |
1997 | ფ | ჩქიმი საუჯგუშო მაჸალეშ დიარა | My Best Friend's Wedding | კიმი უოლასი |
1998 | ფ | რზაფა დო გურიშრია ლას-ვეგასის | Fear and Loathing in Las Vegas | ტელერეპორტიორი |
1998 | ფ | არძა მერიშე იხანგებუ | There's Something About Mary | მერი ჯენსენი |
1999 | ფ | რდა ჯონ მალკოვიჩი | Being John Malkovich | ლოტი |
2000 | ფ | ჩარლიშ ანგილოზეფი | Charlie's Angels | ნატალი კუკი |
2001 | ფ | ვანილიშ ცა | Vanilla Sky | ჯილი |
2002 | ფ | ნიუ-იორკიშ ბანდეფი (2002 წანაშ ფილმი) | Gangs of New York | ჯენი ევერდინი |
2003 | ფ | ჩარლიშ ანგილოზეფი: ედომუშამი წუმოძინა | Charlie's Angels: Full Throttle | ნატალი კუკი |
2005 | ფ | თიშ მადვალარს | In Her Shoes | მეგი ფელერი |
2009 | ფ | ჩქიმი მაფორალი ანგელოზი | My Sister's Keeper | სარა ფიცჯერალდი |
2011 | ფ | გლახა მაგურაფალი | Bad Teacher | ელიზაბეთ ჰელზი |
2013 | ფ | ალმაჩამალი | The Counselor | მალკინა |
2014 | ფ | შხვა ოსური | The Other Woman | კარლი უითინი |
2014 | ფ | სექსიშ ინნაჭარეფი | Sex Tape | ენი |
რესურსეფი ინტერნეტის
- (ინგლისური) კამერონ დიასი — კინოფილმეფიშ ინტერნეტ მუნაჩემეფიშ ბაზას
- კამერონ დიასი (ინგლისური)
- კამერონ დიასი (ინგლისური)