კოლექტიური უშქურანჯალაშ აპიჯალაშ ორგანიზაცია
კოლექტიური უშქურანჯალაშ აპიჯალაშ ორგანიზაცია (ОДКБ), მერკეთ „ტაშკენტიშ აქტი“[1][2][3], „ტაშკენტიშ აპიჯალა“[1] — რეგიონალური საირქიანო ორგანიზაცია[4], ნამუშ თარი ღანკეფი რე „შვიდობაშ გონტკიცაფა, საირქიანო დო რეგიონალური უშქურანჯალა დო სტაბილურობა, მაკათური ქიანეფიშ ზოხორინალაშ, ტერიტორიულ თელუანობაშ დო სუვერენიტეტიშ კოლექტოური დუდთხილუათ ასქილადაფა, ნამუშ მეჭირინაფაშ პრიორიტეტი რე პოლიტიკური მეშქაშობა“[5]. ორგანიზაციაქ დირსხუ 1992 წანაშ 15 მესის, მუჟმსჷთ სომხეთიშ, ყაზახეთიშ, ყირგიზეთიშ, რუსეთიშ, ტაჯიკეთიშ დო უზბეკეთიშ სახენწჷფოეფიშ მადუდეეფქ ხე მაჭარეს კოლექტიური უშქურანჯალაშ აპიჯალას ნოღა ტაშკენტის (უზბეკეთი)[6]. 1993 წანას ორგანიზაციას ქაკათეს აზერბაიჯანქ, ბელარუსიქ დო საქორთუოქ. მოგვიანაფათ ორგანიზაცია აზერბაიჯანქ, საქორთუოქ დო უზბეკეთიქ ქიდიტუეს. 1994 წანას, აპიჯალაშ ნძალაშა მიშულაშ ბორჯის ორგანიზაციას 9 მაკათური ჸუნდუ, ასე — 6. ორგანიზაციაშ უმაღალაში ორგანო რე კოლექტიური უშქურანჯალაშ სხუნუ (СКБ), ნამუსჷთ დუთრინუანს ორგანიზაციაშ გენერალური მელამოსე[7].
კოლექტიური უშქურანჯალაშ აპიჯალაშ ორგანიზაცია Организация Договора о коллективной безопасности ОДКБ | |
ტიპი | რეგიონალური ოერეფოშქაშე ორგანიზაცია |
---|---|
შტაბ-ორენი | გოართოიანაფილი შტაბი |
ორენი | |
მაკათურეფი | |
ოფიციალური ნინეფი | |
გენერალური მელამოსე | რუსეთი ნიკოლაი ბორდიუჟა |
გოართოიანაფილ შტაბიშ უნჩაში | რუსეთი ანატოლი სიდოროვი |
საიტი |
თაშნეშე ქოოძირით
- შანხაიშ წოროხანდაშ ორგანიზაცია
- ნატო
- რუსეთიშ ფედერაციაშ აკოანჯარაფილი ნძალეფი
- ყაზახეთიშ აკოანჯარაფილი ნძალეფი
- ბელარუსიშ აკოანჯარაფილი ნძალეფი
- სომხეთიშ აკოანჯარაფილი ნძალეფი
- ვარშავაშ აპიჯალაშ ორგანიზაცია (ვაო)
ლიტერატუტა
- Николаенко В. Д. Организация Договора о коллективной безопасности (истоки, становление, перспективы) 2004 ISBN 5-94935-031-6