ჯვეში მოსოფელი

ჯვეში მოსოფელი, ანტიკური ისტორია — ისტორიული პერიოდი, ნამუთ გიშეძირე პრეისტორიულ პერიოდიშ თებაშე შქა ოშწანურეფიშ დოჭყაფაშახ^[1][2].

თწე პერიოდიქ დიჭყჷ ორჩანიეთ 5-5,5 ვითოში წანაშ კინოხ, მუჟანსჷთ ეგვიპტარეფქ გაჭყეს ჭარალუან^[3][4] დო გეთჷ 476 წანას რომიშ დონთხაფათ^[5][6]. კანკალე წყუეფს თებაშ თარიღო კოროცხჷნა იუსტინიანე I ღურას (565 წ.)^[7], ისლამიშ დორსხუაფას (622 წ.)^[8] ვარ-და კარლოს დიდიშ მართუალაშ დოჭყაფას^[9].