互通程度
互通程度(粵拼:wu6 tung1 cing4 dou6 [e 1]),又叫相互理解可能性[註 1],係語言學上講到,唔同話之間可以有嘅一種關係,簡化講就係「兩隻話之間能唔能夠喺未學過對方嘅情況下,彼此聽得明對方
到咗廿一世紀,互通程度呢個概念已經受到唔少語言學家批評:語言學家唔會否定人類嘅語言有龐大嘅多樣性,唔會否定例如英文喺文法等多方面都同粵語爭好遠;但係廿一世紀初嘅語言學界已經確立,齋靠互通程度有陣時做唔到完全清楚噉劃分語言,會有方言連續體(下面有詳講)等嘅概念問題。
基礎諗頭
首先,想像語言變體[e 2]嘅概念,假設依家所有人都淨係講佢哋嘅母語,英格蘭人嘅母語(英格蘭話,或者叫英文)同德意志人嘅母語(德國話,或者叫德文)有分別,同時英格蘭人嘅母語講嘢方式又同美國人嘅有分別,而且美國唔同地區嘅人講嘅「英格蘭話」都可以有啲些微嘅差異;同一道理,德國同奧地利唔同地區嘅人講嘅「德國話」都可以或多或少噉有差異。語言變體就係泛指任何「攞某個地方或者群體嘅人,佢哋講嘢嘅方式」—
... 等嘅事物,冚唪唥都算係語言變體[2]。
語言變體亦帶出埋語言距離[e 3]嘅概念[3][4]:直覺上認為,英式英文同美式英文係有啲差異,但差異相對細,而呢兩隻語言變體之間嘅差異,明顯細過(例如)英式英文同任何一款德國話之間嘅差異。語言距離指緊嘅,正正就係「兩隻語言變體之間爭幾遠」—相距近表示差異細,而相距遠表示差異大[註 2]。
比較兩隻話:粵語 vs 閩南話 | ||||||
---|---|---|---|---|---|---|
比較兩隻話:粵語 vs 韓國話 | ||||||
---|---|---|---|---|---|---|
評估方法
要衡量語言距離,有啲語言學家會用比較形式化嘅做法,即係直頭走去睇啲語言嘅文法規則同埋字典,由所得數據度評估兩隻語言有幾相似。另一方面,又有啲語言學家選擇採取比較實驗性質嘅做法。而家想像以下噉嘅做法:
- 要研究兩隻語言變體 A 同 B;
- 搵若干個識得講同聽 A 但未試過學 B 嘅人做受試者;
- 同時又搵若干個識得講同聽 B 但未試過學 A 嘅人做受試者;
- 要兩組受試者分別噉聽另外嗰隻語言變體講嘢嘅錄音-錄音可以包括淨係單字或者成句句子嘅錄音[註 4][5];
- 叫每位受試者
—做咗上述噉嘅實驗之後,研究者就可以計啲數值出嚟,反映「主觀噉講,啲受試者覺得呢拃語言變體有幾相似」同埋「對使用 A 嘅人嚟講,B 有幾易明」呀噉。
呢啲數值跟住就會畀人攞嚟將語言分類:如果有兩隻語言變體佢哋係明對方噏乜嘅,例如英式英文同美式英文,或者廣州話同香港嘅廣東話,佢哋就算係同一隻語言嘅方言;而如果佢哋係聽唔明對方噏乜嘅,例如香港嘅廣東話同(朝鮮半島任何一忽嘅)韓國話噉,佢哋就算係各自成一隻語言[6]。
不過就算兩隻語言變體唔互通,佢哋依然有可能屬同一個語族[e 4]。例如英文同德國話都屬日耳曼語言[e 5][註 6]。下圖係日耳曼語言嘅分類樹狀圖,圖入面包括咗英文[e 6]、德國話[e 7]、荷蘭話[e 8]同埋多種北歐嘅語言。
概念問題
互通程度畀唔少人攞嚟分「兩隻語言變體係咪各自成一隻語言」,但呢種做法受到唔少語言學家批評:
- 現實世界嘅語言,有時未必係「一係互通一係唔互通」咁簡單,可能會例如 50% 互通,好似西班牙話同葡萄牙話噉被指係有咁上下嘅互通度,但又明顯唔完全 100% 相通[7];
- 有語言學家指,互通呢家嘢未必係對稱嘅—可能有兩隻變體,識講 A 嘅人會聽得明 B,但一個人就算完全熟嗮 B 都聽唔明 A。
- 想像有兩隻語言變體 A 同 B,兩者唔互通,不過進一步研究發現,一個以 A 做母語嘅人能夠响幾日內學識 B 而且達到近乎母語噉嘅熟練程度,都表示兩隻語言變體查實好相似[8]。
等等。除此之外,仲有方言連續體嘅問題。
方言連續體
方言連續體[e 9]係一種已經被實際觀察到嘅語言現象。而家想像有一笪地方,笪地同兩廣差唔多一樣咁大,笪地上面有 4 座主要城市 A B C D,家陣語言學家想研究呢笪地方嘅語言,於是佢哋就喺每座城市搵咗班人返嚟,要佢哋做語言互通程度嘅測試(睇返上面講咗嘅步驟),結果發現
- A 話同 B 話有頗高相似度,兩隻變體大約 80% 互通;
- B 話同 C 話有頗高相似度,兩隻變體大約 80% 互通,但同時 A-C 差異大過 B-C 差異,A C 之間係得嗰 60% 互通;
- C 話同 D 話有頗高相似度,兩隻變體大約 65% 互通,但同時 A-D 差異極大,互通度差唔多係 0% 咁滯;
—呢種噉嘅情況,就係所謂嘅方言連續體。有一拃語言變體,彼此之間喺
有語言學家指,方言連續體可以攞嚟做理由,否決「齋靠互通程度可以將語言分好嗮類」呢個諗法。攞返上面 A B C D 個例子,齋靠互通程度分嘅話:
- A 同 B 係同一隻語言嘅方言,B 同 C 係同一隻語言嘅方言,C 同 D 係同一隻語言嘅方言,所以 A B C D 冚唪唥都係同一隻語言嘅方言;
- A 同 D 唔互通,唔可以算係同一隻語言;
—上述兩點之間出現咗明顯嘅矛盾。因為噉,廿一世紀初嘅語言學家將語言分類嗰陣,唔會一味齋靠互通程度—如果兩隻語言變體唔互通,佢哋有可能係同一個方言連續體嘅一部份,亦有可能係各自成一隻語言;跟住語言學家就會去考慮埋第啲因素,再決定要點樣將啲語言變體分類[1]。
生物對應
「 | 」 | |
互通程度同方言連續體嘅概念,被指係好似生物學上講到嘅環狀物種[e 11]現象。
環狀物種係一種已經被實際觀察到嘅物種分化現象:生物學研究表明,是但攞兩隻異性嘅生物嚟睇,兩者實要喺遺傳上有返咁上下相似,先有可能會生出有生殖能力嘅後代;喺廿世紀嗰陣,「能否配種」廣泛噉畀人認為係斷定「呢兩群生物算唔算係同一種物種」嘅準則,即係好似噉—「狼同狗能夠交配並且生出有生殖能力嘅後代,而狼同貓或者狗同貓之間就做唔到呢樣嘢,所以狼同狗屬同一物種,而貓就係完全獨立於兩者嘅另一種物種」;之但係科學界又發現咗環狀物種嘅現象,簡化講即係有一拃生物群體分別住喺若干笪相鄰嘅地—想像附圖入面嘅 1 2 3 4 5 6 7 噉,進化過程令到呢啲群體之間地理上離對方愈遠嘅族群(喺遺傳上)愈係同對方唔同,相鄰嘅族群之間(例如 1-2 或者 3-4)嘅相似度高到足以同對方配種,但唔相鄰嘅族群(例如 1-5 噉)就做唔到呢樣嘢[12][13]。
概念廣義化
理解咗環狀物種嘅現象,就可以用以下嘅方法嚟將個概念廣義化。想像家吓有 5 件物體 A B C D E,兩件物體一定要有返咁上下相似,先至可以做到相通—估且唔好諗相通具體係咩意思住。噉就有幾種可能嘅情況:
- A B C D E 之間完美相通—是但攞兩件出嚟,兩件物體都夠相似,可以做到相通;
- A B C D E 之間完美唔相通—是但攞兩件出嚟,兩件物體都差異夠大,做到唔相通;
- A 同 B 之間差異夠細可以相通,C 係 B 再變少少但依然同 A 夠相似做到相通,D 係 C 再變少少,D-C 做到相通,但今次 A-D 差異夠大,A-D 做唔到相通。
噉如果啲人想按相通程度嚟將啲物件分類,「相通嘅全部都屬同一類」,就會出現矛盾:
- A 同 B 相通,B 同 C 相通,C 同 D 相通,所以 A B C D 冚唪唥都係同一類;
- A 同 D 唔相通,唔可以算係同一類;
呢種思考方法,可以用嚟思考語言變體,又可以用嚟思考生物群體:
- 方言連續體情況:A B C D E 係語言變體,相通係「做到一定嘅互通程度」,類係語言分類;
- 「物種連續體」:A B C D E 係生物群體,相通係「能夠配得到種,生到有生殖能力嘅後代」,類係物種;
—上述呢兩種情況都展現咗一項事實[註 7],就係研究緊嘅嘢(語言同生物)查實根本唔係「一類類,是但攞兩個類嚟睇兩者之間都有明確分界」咁簡單[14]。
現實語言
喺廿一世紀初嘅世界,有好多語言都畀主流嘅人覺得「係唔同嘅語言」,但查實有咁上下嘅互通程度,例如:
- 日耳曼語族(分佈遍及英文圈、西歐同北歐):
- 羅曼語族[e 12](拉丁文嘅一眾語言後代,分佈主要喺歐洲西南[註 9],法國話都屬羅曼語族)[19]:
- 斯拉夫語族[e 13](主要分佈喺東歐)
- 漢語(屬漢藏語系):
- 其他:
睇埋
註釋
引咗
拎
- 廣州話 Cantonese vs 台山話 Toishan/Taishanese,YouTube 呢條片講到廣州話同台山話之間嘅比較。
- (英文) 台灣閩南話嘅聲,呢條片展示咗台灣話嘅一啲語句,未學過台灣話嘅粵語人冇咗漢字字幕,應該完全聽唔明佢噏乜。
- (英文) 官話同東干話,呢條片展示咗一啲標準官話同東干話嘅語句,講解係用英文,聽得出呢兩隻話非常之咁相似。
- (英文) 東斯拉夫:俄羅斯話、烏克蘭話同白俄羅斯話,條片將三隻東斯拉夫語言並排噉嚟聽同睇,可見三隻話查實好相似。
- (英文) 語言學家嘅定義:互通程度,賓夕凡尼亞大學出咗篇短文講互通程度要點界定。
- (英文) Common words between languages