壯族

壯族有自己嘅語言，稱壯語，屬於侗臺語族臺語支（壯傣語支）。而家壯族聚居嘅鄉村地區同部分城鎮仍普遍使用。壯族重有自己嘅古文字，稱方塊壯字。佢至今仍然喺壯族地區嘅民間流行。

「布洛陀」係壯族先民口頭文學中嘅神話人物，係創世神。布洛陀係中國非物質文化遺產名錄之一，「布」喺壯語中係威望嘅老人，「洛」係識得，「陀」係好多創造嘅意思。

壯人嘅歌文化係壯族最大嘅特點，喺一啲地方，唔識唱山歌嘅姑娘甚至會揾唔到對象。老電影《劉三姐》最為出名。

壯族特色織物係壯錦。壯族傳統服飾尚青黑，男裝對襟，女裝右衽。婦女嘅上衫衫領、袖口、襟邊都繡有彩色花邊，條褲黑色寬肥，戴花紋圖案嘅頭巾。

• 儂智高（民族英雄）
• 冼夫人（歷史上第一位巾幗英雄）
• 瓦氏夫人（抗倭英雄）
• 韋拔群（中國現代農民運動領袖）
• 黃現璠（中國現代民族學奠基人）
• 李寧（體操王子，企業家）
• 韋唯（歌唱家）