流散

流散係一種人口學現象，就係當一個民族嘅部分人，唔住喺嗰個民族原有嘅家鄉地^[1][2]。呢個字眼特別係用喺一班人對某一個地區有認同，但係佢哋自己就住喺另外一個地方^[3][4][5]。

最出名嘅流散就係猶太人喺俾巴比倫打敗之後嘅流散人口^[6]。其他歷史上喺亞洲嘅流散人口包括：亞述人^[7][8]、亞美尼亞大屠殺之後嘅亞美尼亞人^[9][10][11]、喺19世紀期間嘅華人同印度人^[12]、住喺印度半島嘅羅姆人^[13]等等。喺歐洲嘅包括：喺拜占庭帝國滅亡之後嘅希臘人^[14][15][16]、諾曼征服英格蘭之後嘅盎格魯-撒遜人^[17]、饑荒期間嘅愛爾蘭人^[18]、同埋1700-1800年代期間嘅蘇格蘭人^[19]等等。

由於打仗嘅關係，近年有唔少都係流散人口都係嚟自中東，包括：以巴衝突開始之後嘅巴勒斯坦人^[20]、黎巴嫩內戰開始嘅黎巴嫩人^[21]、同埋敘利亞內戰期間嘅敘利亞人^[22]。喺1979年伊朗革命之後，伊朗人喺歐美嘅流散人口，由50萬大增至到380萬，而最多人嘅地方係美國、加拿大、同埋土耳其^[23]。

根據聯合國喺2019年嘅一份報告，世界上最大嘅流散人口係印度人，有1,750萬人，其次係墨西哥人，有1,180萬人，跟住係華人，有1,070萬人A^[24]。