自由歐洲電台 (英文：Radio Free Europe / Radio Liberty，簡稱 RFE/RL) 係一個由美國政府資助嘅媒體組織，主要係向東歐地區廣播新聞。組織嘅主旨係“喺政府壓迫或者基建唔夠嘅地方，提供自由資訊”[7][8]。自由歐洲電臺係屬於一間 501(c)(3) 公司，由美國國際媒體署（英文：U.S. Agency for Global Media）負責監管[9]。Jeremy Bransten 係個電臺嘅編輯主任[10]。
個電臺總共向23個國家用27種語言嚟做廣播[11]。個組織自從1995年個總部係喺布拉格，喺全歐洲總共有21間寫字樓，超過500位全職職員同埋1,300位自由業職員。而喺華盛頓特區嘅寫字樓，就有680位職員。
喺1949年，自由歐洲電臺創辦，嚟做反共主義嘅宣傳途徑[12]。兩年之後，自由電臺創辦，功能類似。佢哋兩個直到1972年，都係有中央情報局嘅部分資助[13][14][15]到1976年，兩個電臺正式合併。
喺冷戰期間，自由歐洲電臺主要係向東方集團嘅國家發佈新聞，包括波羅的海國家同埋蘇聯自己。共產政府亦經常會派KGB嘅臥底去自由歐洲電臺喺慕尼黑嘅總部，嚟嘗試擾亂個無線電波。
自從1989年東歐劇變同埋1991年蘇聯解體以嚟，東歐嘅共產政府一個個咁冧，個電臺嘅目的已經達到咗，所以到依家基本上都冇乜點用。
