臺灣桃園國際機場

由於台北原有嘅台北松山國際機場東側同北側係基隆河岸，西側及南側又緊貼台北市區，已經擴建唔到，而松山機場本身都只有一條主跑道，因此，政府積極揾適合嘅地點，去起新嘅國際機場，以因應台灣地區繁忙嘅航空運輸，以及未來發展嘅需要，為此，政府喺台北近郊嘅桃園縣起新嘅國際機場，將佢列入十大建設嘅重要列管項目之ㄧ。

由於1979年啟用後就取代咗位於臺北市區嘅臺北松山機場成為台北市嘅主要國際機場，國際航空運輸協會機場代碼（IATA機場代碼）沿用咗象徵臺北市嘅TPE，國際民用航空組織（ICAO）四字代碼就係RCTP。

十大建設嗰時，呢個機場原計劃名為「桃園國際機場」，但喺啟用前11日，行政院會決議為紀念中華民國前總統蔣中正（蔣介石）而改叫「中正國際機場」，英文名為「Chiang Kai-shek International Airport」（直譯「蔣介石國際機場」）。所以，民航界成用CKS來簡稱個機場，雖然個縮寫無官方標準上嘅意義。亦由於佢係臺北市嘅主機場，因此在某啲場合都會被稱為臺北國際機場，但呢個稱呼好容易同臺北松山機場撈亂。

改名同反響

2006年8月12號陳水扁響凱達格蘭學校演講時，首次提到有人建議中正國際機場應該改為台北國際機場，國民黨主席馬英九立即表示反對。行政院話將研究係唔係改名「台灣桃園國際機場」。在野黨表示唔反對改名，但認為「臺灣桃園中正國際機場」更好。9月6號，行政院院會通過決議，以「台灣桃園國際機場」為定案並即刻生效，IATA代碼就維持TPE唔變。交通部民航局隨即喺當晚趕工，用貼紙遮住中正機場入口嘅橫型指示牌，換上新名；至於航站上方嘅大型霓虹燈招牌同其他小型廣告牌或標誌，3日內換裝。島內各高速公路同道路等通去中正機場嘅指示路標都改埋。機場官方網站喺2006年10月完成改名。「民航局」初步估算，機場改名後換招牌、路標及事務用品，使咗納稅人2100萬新台幣，由11月1號起正式更名為「台灣桃園國際機場」。

據台灣《聯合報》報道，針對台北中正機場改名，58%嘅台灣民眾認為無必要，得16%支持，另有26%嘅人無意見。交叉分析發現，泛藍支持者中，87%反對機場改名；泛綠支持者雖然有46%贊成改名，但都有31%反對；中立民眾中，48%認為無必要改名，得16%支持。就算行政院長蘇貞昌話台北中正機場改名係認為可以突顯台灣意識，亦可以回應桃園民意期待，同意識型態無關；但係有56%嘅民眾認為機場改名係「去中正化」嘅政治意識形態作祟，相信改名係「順應地方民意要求」嘅比率只有11%；即使係泛綠支持者，都有40%認為機場改名有政治考慮。

2006年台獨色彩嘅台灣團結聯盟發言人廖本煙話，呢個係陳水扁上任六年嚟，推出嘅唯一令人滿意嘅政策。國民黨立委蔣孝嚴話，全世界有七十一個機場都係以人名做為機場名稱，其中超過五十個機場，都係具有規模嘅國際機場，連知名嘅荷李活影星：約翰·韋恩，都有一處美國嘅地方機場以佢個名作為紀念。中正機場改名之後嘅機場名，諧音都好不雅，英文簡寫TTY係閩南話嘅「直直歪」，國語簡稱「台桃」機場，更係台語中嘅「殺頭」。佢認為係浪費公帑，指責民航局長張國政「用老總統個名命名有乜嘢唔啱？你於心何忍、忘恩負義、莫名其妙」。李敖話，要改嘅話唔可以淨係改機場名，應該快啲宣布台獨，咁至係將外來政權完全打碎。要改嘅話，應該連「國名」都改埋，快啲宣布「台獨」，咁至係有本領。

以前，由於中共當局同蔣氏之間嘅對立情節，喺中國大陸包括媒體報導在內，絕對避免提及蔣中正個名字，而普遍以桃園國際機場嘅方式稱呼。所以，大陸人民一直都唔知台北有個中正機場。一般對於台灣去中國化嘅新聞，中國大陸媒體都會重點報道。對於呢件事，當時大陸媒體都有報道。因為有自相矛盾之嫌，所以報道篇幅唔多。

1979年2月26號首度啟用（第一航廈），係當時亞洲最現代化嘅幾個國際機場之一，亦係中華民國嘅國家航空公司（Flag Carrier）－－中華航空嘅新主機場。1991年長榮航空成立後，都以該機場為主場，由於兩家公司嘅機隊數量持續擴張同台灣工商業嘅熱絡成長帶來大量旅客進出，原有機坪同航廈設施已經唔夠用，因此喺2000年7月29號第二航廈正式啟用，第三航廈目前重規劃緊。

目前機場設施嘅配置係，第一航廈主要係由中華航空同佢代為操作嘅外國航空公司使用，非華航或長榮合作伙伴都喺第一航廈，而第二航廈就係由長榮航空同佢代為操作嘅外國航空公司使用，二航廈北候機長廊（D區）完成後華航嘅部分航線都進駐第二航廈。兩航廈之間有人行空橋同循環接駁巴士轉運旅客，而免費嘅Skytrain自動電車系統已於2003年1月18號起正式啟用。

目前起緊嘅中正機場捷運，預計2011年部分通車，2012年全線完工通車，屆時機場捷運全線完工通車後，除普通車從台北到中壢、每站都停，全程大概要68分鐘外，直達車從台北到機場，全程只要35分鐘。配合機場捷運線嘅完工，喺台北車站重會提供直掛行李服務，出境旅客可直接喺台北車站辦理報到托運行李，唔使一路拖行李到機場。

2006年1月16號起，該機場嘅外勞服務站啟用^[1]，提供以該機場出入台灣嘅外籍勞工入境指引或出境時最後申訴機會。喺第一、第二航廈嘅入境大廳同第一航廈出境大廳都設有服務站。入境大廳嘅服務站提供接機同報到功能，出境大廳嘅服務站提供越文、泰文、印尼文同英文四國語言電話專線作為申訴管道，減少唔願登機、不當遣返等情形。

• 行政位置：桃園市大園區
• 航站地址：桃園市大園區航站南路9號
• 地理位置：
  • 東經：121度13分26秒
  • 北緯：25度4分35秒
• 佔地面積：1,223公頃
• 標高：33公尺（全場平均）

跑道

該機場共有二條跑道，包括被稱為北跑道嘅05L-23R跑道，以及被稱為南跑道嘅05R-23L跑道。

• 北跑道（05L-23R）：長3,660公尺，寬60公尺
• 南跑道（05R-23L）：長3,800公尺，寬60公尺

停機坪

• 客運停機坪：面積636,220平方公尺，停機位22個
• 接駁停機坪：面積132,446平方公尺，停機位8個
• 貨運停機坪：面積169,600平方公尺，停機位15個
• 修護停機坪：面積206,212平方公尺，停機位20個

航站大樓

航站大樓	第一航站	第二航站
相
啟用	1979年2月26號	2000年7月29號
主結構	地面4層，地下1層	地面4層，地下2層 （地下三、四樓預留中運量月台）
總面積	169,500平方公尺	208,000平方公尺
地面以上高度	25.7公尺	47.6公尺
年旅客量	15,000,000人	17,000,000人 （含過境轉機約300萬人）
最高每小時旅客量	6,630人/時	5,520人/時
出境大廳	旅客櫃台10座 報到口240個 行李檢查台10座	旅客櫃台8座 報到口158
休息大廳	出境證照查驗台48個	出境證照查驗台42個 出境安全檢查台2座
南北出境長廊	候機室13個 （含接駁候機室1個） 登機門19個 （含接駁候機門1個）	候機室21個 （含接駁候機室1個） 登機門21個 （含接駁候機門1個）
南北入境長廊	過境休息室2個
停機坪	客運停機位18個 接駁停機位8個	客運停機位20個 接駁停機位7個
入境證照大廳	證照查驗台36個 檢疫查驗台2個	證照查驗台58個
行李大廳	行李提取轉盤6座 海關檢查台23個	行李提取轉盤6座 （備用4座） 海關檢查台17個
停車場	面積96,660平方公尺 容量2,207架	巴士102架 小客車4,133架

第一航廈

年旅客量：1500萬，登機門18個

• 澳門航空
• 國泰航空
• 香港快運航空
• 大灣區航空
• 中華航空（亞洲除日本航線）
• 馬來西亞航空
• 華信航空
• 越南太平洋航空
• 菲律賓航空
• 汶萊航空
• 泰國國際航空
• 復興航空
• 帛琉太平洋航空
• 大韓航空
• 捷星亞洲航空

第二航廈

年旅客量：1700萬，登機門20個

• 長榮航空
• 中華航空（美國含關島、加拿大、澳紐、日本航線）
• 香港航空
• 全日空航空
• 荷蘭皇家航空
• 韓亞航空
• 新加坡航空
• 立榮航空
• 聯合航空
• Aphreej航空
• 星宇航空
• 江原道航空

定期貨運

• 盧森堡貨運航空（CargoLux）
• 貿易風航空（TradeWind）
• 聯邦快遞（FedEx）
• 聯合包裹服務（UPS）
• 洋基通運（DHL）- 由香港華民航空（Air HongKong）代為操作

公路

• 國道二號桃園環線
  • 國道一號中山高速公路機場系統交流道
  • 國道三號福爾摩沙高速公路鶯歌系統交流道
• 台4線
• 台15線

鐵路

• 桃園機場捷運於2006年6月26號動工，可連接台北車站及台灣高速鐵路桃園車站
  • 捷運通車前，有巴士來往行駛機場及高鐵桃園車站，車程約15分鐘。
• 台灣鐵路管理局林口線有延至機場嘅構想。
• 台灣高速鐵路都有被用來聯絡機場嘅計畫，不過可行性極低。

• 1967年由民航局提出規劃報告。
• 1968年勘定桃園縣大園鄉為新機場現址
• 1971年完成初步規劃評估。
• 1974年9月開始起，由華僑建築師章翔先生設計，中華工程公司負責施工。
• 1977年7月，機場聯絡道完工啟用。
• 1978年11月底，機場跑滑道、停機坪工程完工。
• 1978年年底，正式完工，完工後係當時東南亞最具規模嘅國際機場，共耗資新台幣103億元。
• 1979年2月21號，舉行落成啟航典禮。
• 1979年2月26號，中正國際機場第一期正式啟用。
• 1979年4月底，機場貨運站工程完工。
• 1979年5月，機場圓山飯店空中廚房竣工。
• 1981年10月31號中正航空科學館落成啟用。
• 1983年10月31號，機場境旅館落成啟用。
• 1983年12月底，二期跑道及附屬工程完工。
• 2000年7月29號，中正國際機場第二期航廈正式啟用。
• 2003年1月18號第一航廈同第二航廈間嘅自動電車旅客輸送系統（SKY TRAIN）正式啟用
• 2006年1月16號起，機場外勞服務站啟用
• 2006年6月26號中正機場捷運動工。
• 2006年9月6號，正式改稱「台灣桃園國際機場」。
• 2006年10月，機場官方網站完成改名。
• 2012年5月21號，第一航廈開放部分區域畀入境旅客用。

• 1979年6月，機場發生暴徒劫持人質企圖登機事件。
• 1979年9月11號中華航空公司B707-1834貨機作起降訓練時失事墜海。
• 1983年11月14號，中共飛行員王學成揸機投誠降落中正國際機場。
• 1984年3月22號，粱偉強迫英國海外航空公司747型機號GBDx航機降落本機揚。
• 如果波金卡計劃冇被菲律賓警方察覺嘅話，多架喺1995年1月21號由該機場起飛，前往美國嘅客機有可能會喺太平洋上空爆炸。

• 1998年2月16號，中華航空公司班號CI676、機身編號B-1814嘅空中巴士A300-600R型客機，自印尼峇里島飛返降落時因偏離航道、機長重新拉起機頭失敗，鄰近道路墜毀並衝入民宅，機上196位乘客、機組人員，連同地面民宅同行經嘅的士上嘅6人，共202人罹難。包括甫參加東南亞國家央行總裁聯合會（SEACEN）嘅中央銀行總裁許遠東夫婦同央行4位高級職員。

• 2000年10月31號，新加坡航空班號SQ006、機身號碼9V-SPK，由新加坡經台北飛往洛杉磯嘅波音747-400型客機，喺颱風天嘅大雨中起飛時，因為塔台航管同駕駛溝通不良同疏忽，導致班機誤闖施工維修緊嘅跑道，以致喺起飛加速嘅過程中擦撞跑道上嘅工程機具而失控墜毀，造成82人死亡同多人受傷。

• 2002年5月25號，由該機場起飛嘅中華航空611號班機，喺飛去香港途中，喺澎湖外海空中解體墜毀，225名乘客及機組員全部罹難。事後調查，呢架波音747-200型客機係因為1980年2月7號喺香港啟德機場因重落地機尾觸地（尾擊）受損後維修不當，1.8米長嘅修補後裂痕因金屬疲勞喺空中裂開造成機身解體。雖然發生意外嘅班機係華航最後僅剩嘅一架747-200型客機，但華航仍然喺事故後停飛所有同型嘅貨機。

• 2005年4月26號，中國國民黨黨主席連戰由該機場出發前往中國大陸訪問，引起泛藍同泛綠支持者率眾前往第二航廈進行送機同抗議，但有人突破警方嘅封鎖線，導致爆發嚴重嘅流血衝突。各界紛指責抗議者暴力行為同航空警察局執法唔力破壞台灣形象，以致航警局局長被撤換。

• 十大建設
• 高雄國際機場
• 機場聯絡軌道系統

維基同享有多媒體嘅嘢：
Taiwan Taoyuan International Airport

• 官方網站
  • 〈桃園國際機場股份有限公司〉 (中文).
  • 〈桃園國際機場〉 (中文).
  • "Taoyuan International Airport" (英文).
  • "Taiwan Taoyuan International Airport" (日文).
  • 〈兒童版〉 (中文).
  • 〈純文字版〉 (中文).
• "Airport database with extended search functionaliy" (英文).

25°4′35″N 121°13′26″E / 25.07639°N 121.22389°E / 25.07639; 121.22389