麥斯·韋斯塔本
麥斯·魏米利仁·韋斯塔本（荷蘭文：Max Emilian Verstappen；1997年9月30號—）係荷蘭一級方程式賽車手，攞過兩次一級方程式賽車世界冠軍，刷新過好多紀錄。
 韋斯塔本，2017年 | |
| 出世 | 麥斯·艾米利亞·韋斯塔本 （Max Emilian Verstappen） 1997年9月30號 .svg){kind=small} 比利時哈瑟爾特 |
|---|---|
| 世界一級方程式錦標賽職業生涯 | |
| 國籍 |  荷蘭 |
| 車號 | 33 1（2022年至2023年）[1] |
| 出賽次數 | 171（171次起步） |
| 世界冠軍 | 2（2021年、2022年） |
| 分站冠軍 | 44 |
| 頒獎台 | 88 |
| 生涯積分 | 2292.5 |
| 桿位 | 27 |
| 最快圈速 | 27 |
| 首次出賽 | 2015年澳大利亞大獎賽 |
| 首次分站冠軍 | 2016年西班牙大獎賽 |
| 最後分站冠軍 | 2023年匈牙利大獎賽 |
| 最後出賽 | 2023年匈牙利大獎賽 |
| 2022年排名 | 第1（454分） |
| 「Verstappen」各地嘅常用譯名 | |
|---|---|
| 中國大陸 | 韋斯塔班（廣東體育） |
| 香港 | 韋斯塔本（明報、Now新聞、香港電台） 韋特本（TVB、有線） 韋斯達賓（香港01） |
| 澳門 | 韋特本（澳門電台） 華斯達賓（澳廣視） |
賽車生涯
高卡車
韋斯塔本啊爸喺佢四歲半嗰陣買咗一架高卡車畀佢，韋斯塔本就開始咗佢嘅賽車生涯[2][3][4]。佢喺七歲嗰陣獲得第一場勝利，佢擊敗咗十一歲嘅對手。喺九歲嗰陣佢已經係比利時同荷蘭嘅冠軍[5][6]。
韋斯塔本喺2010年踏入國際高卡車賽場，贏咗唔少比賽。
喺2013年，韋斯塔本贏咗高卡車最高級別嘅比賽KZ1[7][8][9]，成為最後生嘅高卡車世界冠軍車手[10]。
一級方程式
韋斯塔本喺2014年加入紅牛少年車隊同平治車手發展計劃[11]。佢參加咗2014年日本大獎賽嘅第一場練習賽，作為佢對2015年賽季參加F1比賽嘅準備[12][13]。
喺2015年賽季，佢喺2015年澳洲大獎賽出賽，做咗最後生出賽世界錦標賽賽事嘅車手[14]。喺2015年馬來西亞大獎賽，韋斯塔本以第六位起步並以第七名完賽，拿下佢首個一級方程式賽車積分，破咗最後生獲得世界錦標賽積分車手嘅紀錄[15]。
喺2016年西班牙大獎賽，韋斯塔本奪冠，成為歷年來最後生嘅分站冠軍得主同第一位奪冠嘅荷蘭人[16]。
喺2021年賽季，佢成為一級方程式冠軍[17]。
喺2022年賽季，佢再次成為一級方程式冠軍[18]，仲打破咗單季最多錦標賽積分[19]同單季最多分站冠軍[20]嘅紀錄。
喺2023年加拿大大獎賽，成功奪得一級方程式生涯第41次分站冠軍，追平已故前世界冠軍冼拿嘅紀錄。 同一時間，亦為紅牛車隊達成第100次勝利記錄。
事件
2021年一級方程式錦標賽，韋斯塔本同英國賽車手咸美頓叮噹馬頭，兩人喺阿布扎比嘅最後一站比賽之前同分，要喺呢一站先至可以決出總冠軍誰屬。比賽開始之後，排第二起步嘅咸美頓好快就過咗韋斯塔本，其後更加領先過八秒距離。喺比賽尾兩個圈嗰陣威廉士車隊嘅Nicholas Latifi失控撞欄，要出動安全車，之後韋斯塔本憑住入咗維修站有新車胎嘅優勢，喺最後嘅第58圈壓過咸美頓獲得冠軍[21]，仲令咸美頓冇得攞創紀錄嘅第八座一級方程式冠軍。之後咸美頓同佢所屬嘅平治車隊一齊向大會上訴話佢喺安全車之下超車犯咗規，但上訴失敗咗[17][22]。
攷
出面網頁
