1905

• 1 Januarie – Die Transsiberiese Spoorlyn word amptelik geopen na die voltooiing daarvan op 21 Julie 1904.
• 2 Januarie – Russies-Japannese Oorlog: Die Russiese weermag gee oor by Port Arthur in China.
• 26 Januarie – Die Cullinan-diamant word in die Premiermyn naby Pretoria ontdek.
• 1 Maart – Die Australiese Konserwatiewe Party se leier, Richard Butler, word die premier van Suid-Australië.
• 27 Mei – Die Slag van Tsushima begin in die See van Japan.
• 27 Junie – Muitery op die slagskip Potemkin.
• 30 Junie – Albert Einstein publiseer die artikel Oor die elektrodinamika van bewegende liggame en stel daarmee die spesiale relatiwiteitsteorie bekend.
• 1 September – Alberta en Saskatchewan word provinsies binne die Kanadese Konfederasie.
• 5 September − Met die ondertekening van die Verdrag van Portsmouth word die Russies-Japannese Oorlog van 1904−1905 formeel beëindig.
• 27 September – Albert Einstein publiseer 'n artikel oor die verhouding tussen massa en energie, wat aangedui word deur die vergelyking E=mc².
• 18 November – Prins Karel van Denemarke word Haakon VII, die eerste koning van Noorweë, nadat die persoonlike unie van Swede-Noorweë ontbind is.
• 13 Desember – Die Afrikaanse Taalgenootskap onder leiding van Gustav Preller word in Pretoria gestig.

Geneeskunde

• Robert Koch ontvang die Nobelprys vir geneeskunde vir sy indentifisering van die tuberkulose-basil (kiem).
• Aspirien word die eerste keer in Brittanje bemark.

Natuurkunde

• Albert Einstein publiseer in sy wonderjaar verskillende referate wat belangrike vraagstukke oplos. Die foto-elektriese effek, Brownse beweging, spesiale relatiwiteit en massa-energieverband word gepostuleer of toegelig.

Suid-Afrika

• Sir Godfrey Lagden publiseer sy verslag oor "naturellebeleid". Dit veronderstel dat blankes intelligenter as swartes is en stel rasseskeiding en inboorlingreservate voor. Dit dien as regverdiging vir verskeie latere apartheidswette.
• Die United Tobacco Companies open 'n sigaretfabriek in Kaapstad.
• Die volstruisveerbedryf bereik 'n hoogtepunt in die Oudtshoorn-distrik.

• 7 Januarie – Coert Steynberg, ’n internasionaal-bekroonde Suid-Afrikaanse beeldhouer en ontwerper († 1982).
• 19 Januarie – Ben Schoeman, 'n Suid-Afrikaanse minister († 1986).
• 2 Februarie – Ayn Rand, Amerikaanse skryfster en filosoof ( † 6 Maart 1982).
• 3 Februarie – Die Suid-Afrikaanse skrywer Herman Charles Bosman, bekend vir sy stories van oom Schalk Lourens van die Groot Marico († 1951).
• 6 Februarie – Władysław Gomułka, Poolse politikus († 1982).
• 26 Februarie – Rex Distin Martienssen, Suid-Afrikaanse argitek († 1942).
• 19 Maart – Albert Speer, Hitler se argitek en minister van bewapening († 1981).
• 26 Maart – Viktor Frankl, Oostenrykse neuroloog († 1997).
• 8 April – Helen Joseph, Suid-Afrikaanse vroueregte-aktivis († 1992).
• 12 April – Emmanuel Mounier, Franse filosoof († 1950)
• 22 April – Abraham Jonker, Suid-Afrikaanse politikus, skrywer en joernalis († 1966).
• 25 April – Maria Malan, Suid-Afrikaanse premiersvrou († 1973).
• 16 Mei – Henry Fonda, Amerikaanse akteur († 1982).
• 20 Mei - Gerrit Achterberg, Nederlandse digter († 1962).
• 31 Mei – Florence Desmond, Amerikaanse aktrise († 1993).
• 21 Junie – Jean-Paul Sartre, Franse filosoof, essayis, roman- en toneelskrywer († 1980).
• 10 Julie – Eric Rosenthal, Suid-Afrikaanse historikus en outeur († 1983).
• 20 Julie – Stephanus du Toit, predikant en hoogleraar van die Gereformeerde Kerk († 1982).
• 29 Julie – Dag Hammarskjöld, Sweedse sekretaris-generaal van die Verenigde Nasies († 1961).
• 15 Augustus – G.D. Scholtz, Suid-Afrikaanse geskiedkundige, skrywer en koerantredakteur. († 1983).
• 18 September – Greta Garbo, Sweedse aktrise († 15 April 1990).
• 14 Oktober – Eugene Fodor, Amerikaanse skrywer van reisliteratuur († 1991).
• 18 Oktober – Félix Houphouët-Boigny, eerste President van die Ivoorkus († 1993).
• 22 Oktober – Jukskei legende en senator Marthinus Philippus Prinsloo († 1991)
• 23 Oktober – Anna Böeseken, kenner van die geskiedenis van die Nederlandse bewind aan die Kaap die Goeie Hoop en skryfster († 1997).
• 7 Desember – Thomas Ochse Honiball, Suid-Afrikaanse spot- en strokiesprentkunstenaar († 1990).
• 5 Desember – Otto Preminger, Oostenryk gebore, Amerikaanse regisseur († 1986).
• 13 Desember – Hendrik Bernardus Thom, 'n bekroonde Afrikaanse skrywer en historikus († 1983).
• 16 Desember – Piet Hein, Deense wetenskaplike, wiskundige, uitvinder, skrywer en digter († 1996).
• 17 Desember – Simo Häyhä, Finse soldaat en waarskynlik die suksesvolste sluipskutter van alle tye († 2002).
• 24 Desember – Howard Hughes, vlugpionier en filmregisseur († 5 April 1976).
• 31 Desember – Wena Naudé, Afrikaanse aktrise en toneelbaanbreker († 1978).

• 18 Februarie – Julius De Geyter, Vlaamse journalis en skrywer (* 1830).
• 24 Maart – Jules Verne, Franse skrywer van wetenskapsfiksie (* 1828).
• 28 Maart – Sir Charles Adderley, Britse staatsman na wie Adderleystraat in Kaapstad vernoem is (* 1814).
• 29 Maart – Sir David Tennant, 'n Kaapse politkus, staatsman en die tweede Speaker van die Kaapkolonie (* 1829).
• 9 April – Lord Chelmsford, die 2de Baron van Chelmsford en 'n Britse soldaat (* 1827).
• 20 Augustus – Heinrich Bulthaupt, Duitse digter en toneelskrywer (* 1849).
• 29 Oktober – Hendrik Witbooi, kaptein (leier) van die Witbooi-Nama in Namibië (* 1830)
• 12 Desember – Reimond Stijns Vlaamse skrywer (* 1850).