Hawais

Hawais ; ʻŌlelo Hawaiʻi
Uitspraak:	[ʔoːˈlɛlo həˈvɐjʔi]
Gepraat in:	Verenigde State Hawaii ;
Gebied:	Oseanië
Totale sprekers:	24 000 volgens 2010-sensus
Taalfamilie:	Austronesies; Maleis-Polinesies; Oseanies; Polinesies; Oos-Polinesies; Marquesies; Hawais
Skrifstelsel:	Latynse alfabet
Amptelike status
Amptelike taal in:	Verenigde State Hawaii;
Gereguleer deur:	Hawaii-taalkommissie
Taalkodes
ISO 639-1:	geen
ISO 639-2:	haw
ISO 639-3:	haw
	Nota: Hierdie bladsy kan IFA fonetiese simbole in Unicode bevat.

Hawais (ʻŌlelo Hawaiʻi, [ʔoːˈlɛlo həˈvɐjʔi]) is die taal van Hawaii se inheemse bevolking. Dit vorm saam met Engels die amptelike tale van die Amerikaanse deelstaat Hawaii.

Taalkundiges klassifiseer Hawais as 'n Oos-Polinesiese taal wat nouverwant aan Mangarevanies en Marquesanies van Frans-Polinesië is. Dit is ietwat minder verwant aan Cookeilandse Māori, Māori, Rapa Nui en Tahitiaans en het daarnaas nog 'n los verbintenis met die tale van Wes-Polinesië, waaronder Niuies, Samoaans, Tokelauaans, Tongaans en Tuvaluaans.

Volgens die Hawaii-taalkommissie het die aantal volwasse sprekers, wat Hawais vlot kan praat, in 1997 tot sowat 2 000 gedaal.

Verwysings

Wikipedia

Sien gerus Wikipedia se uitgawe in Hawais

Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei.