Suid-Ossetië
Suid-Ossetië (Osseties: Хуссар Ирыстон, Chussar Iryston; Georgies: სამხრეთი ოსეთი, Samchreti Osseti; Russies: Южная Осетия, Juschnaja Ossetija), amptelik die Republiek Suid-Ossetië – die Staat Alanië[5][6] (Osseties: Республикӕ Хуссар Ирыстон / Паддзахад Аллонстон, Respublikæ Xussar Iryston / Paddzaxad Allonston; Russies: Республика Южная Осетия / Государство Алания, Respublika Yuzhnaya Osetiya / Gosudarstvo Alaniya), is volgens internasionale reg 'n deel van Georgië, maar vorm de facto 'n onafhanklike[7][8] republiek,[9][10] sonder algemene internasionale erkenning.
| |||||
Volkslied: Республикӕ Хуссар Ирыстоны Паддзахадон Гимн (tr.: Respublikæ Hussar Irystony Paddzahadon Gimn) (Osseties vir: "Volkslied van die Republiek Suid-Ossetië") | |||||
Hoofstad | Zchinwali | ||||
Grootste stad | Zchinwali | ||||
Amptelike tale | Osseties en Russies[1] | ||||
Regering | Semi-presidensiële republiek Alan Gaglojef Konstantin Dzhoessoef | ||||
Onafhanklikheid Gedeeltelik erkende staat • Verklaar • Erkenning | van Georgië 21 Desember 1991 26 Augustus 2008 (beperk) | ||||
Oppervlakte - Totaal - Water (%) | 3 900 km2 1 500 myl2 feitlik niks | ||||
Bevolking - 2022-skatting - 2015-sensus - Digtheid | 56 520[2] (–) 53 532[3] 13,7 / km2 35,5 / myl2 | ||||
BBP (nominaal) - Totaal - Per capita | 2017-skatting | ||||
Geldeenheid | Russiese roebel (RUB ) | ||||
Tydsone - Somertyd | MSK (UTC+3) nie toegepas nie (UTC+3) | ||||
Internet-TLD | geen | ||||
Skakelkode | +995 34 |
Alhoewel Georgië nie beheer oor Suid-Ossetië uitoefen nie, beskou die Georgiese regering, die Verenigde Nasies en die meerderheid van die wêreld se regerings Suid-Ossetië as deel van Georgië, wie se grondwet ná dié gebied as die voormalige outonome distrik Suid-Ossetië verwys.[11]
Suid-Ossetië is in die suidelike Groter Kaukasus geleë. Die hoofstad en grootste stad is Zchinwali. Suid-Ossetië beslaan 'n oppervlakte van 3 900 km² en het 'n bevolking van 56 520 in 2022 gehad. Suid-Ossetië grens in die noorde aan die Russiese deelgebied Noord-Ossetië-Alanië.
Soms word na Suid-Ossetië, Abchasië, Transnistrië en Artsach as post-Sowjetse "bevrore konfliksones" verwys.[12][13] Almal is lidlande van die Gemeenskap vir Demokrasie en Regte van Nasies.
Politiek
Internasionale erkenning
- VN-lidlande
- Rusland erken Suid-Ossetië sedert 26 Augustus 2008 ná die Suid-Ossetië-oorlog van 2008.[14]
- Nicaragua erken Suid-Ossetië op 5 September 2008.[15]
- Venezuela erken Suid-Ossetië op 10 September 2009.[16]
- Nauru erken Suid-Ossetië op 16 Desember 2009.[17]
- Sirië erken Suid-Ossetië op 29 Mei 2018.[18]
- Gedeeltelik erkende en nie-erkende gebiede
- Abchasië erken Suid-Ossetië op 17 November 2006.[19]
- Transnistrië erken Suid-Ossetië op 17 November 2006.[19]
- Republiek Artsach erken Suid-Ossetië op 17 November 2006.[20]
- Voormalige erkenning
Etniese samestelling
Ossetiërs vorm met 48 146 inwoners die meerderheid van die bevolking (89,9 persent).[23]
Etniese samestelling van Suid-Ossetië (2015)[23] | |||
---|---|---|---|
Etniese groep | Aantal | % | |
Ossetiërs | 48 146 | 89,9 | |
Georgiërs | 3 966 | 7,4 | |
Russe | 610 | 1,1 | |
Armeniërs | 378 | 0,7 | |
Ander | 432 | 0,8 | |
Suid-Ossetië (totaal) | 53 532 | 100 |
Verwysings
Eksterne skakels
- (en) Toerisme-inligting oor Suid-Ossetië op Wikivoyage
- (os) President van Suid-Ossetië