സൗത്ത് ഒസ്സെഷ്യ

സൗത്ത് ഒസ്സെഷ്യ (/əˈsɛtiə/^[3] ə-SET-ee-ə or /ɒˈsiːʃə/^[4] o-SEE-shə) അല്ലെങ്കിൽ സ്ഖിൻവാലി റീജിയൺ^{[nb 1]} തർക്കത്തിലിരിക്കുന്ന ഒരു പ്രദേശമാണ്. പരിമിതമായ അംഗീകാരം മാത്രമേ ഈ പ്രദേശത്തിന് ലഭിച്ചിട്ടുള്ളൂ. പഴയ യു.എസ്.എസ്.ആറിലെ ജോർജ്ജിയൻ സോവിയറ്റ് സോഷ്യലിസ്റ്റ് റിപ്പബ്ലിക്കിന്റെ ഭാഗമായിരുന്ന സൗത്ത് ഒസ്സെഷ്യൻ ഓട്ടോണോമസ് ഒബ്ലാസ്റ്റ് എന്ന പ്രദേശത്തിലാണ് ഈ രാജ്യം സ്ഥിതി ചെയ്യുന്നത്. കോക്കസസിന്റെ തെക്കുഭാഗത്താണിത്. ^[5]

റിപ്പബ്ലിക് ഓഫ് സൗത്ത് ഒസ്സെഷ്യ Республикæ Хуссар Ирыстон (Ossetian) Respublikæ Xussar Iryston სამხრეთი ოსეთი (Georgian) Samxreti Oseti Республика Южная Осетия (Russian) Respublika Yuzhnaya Osetiya
Flag മുദ്ര
ദേശീയ ഗാനം: സൗത്ത് ഒസ്സെഷ്യയുടെ ദേശീയഗാനം
സൗത്ത് ഒസ്സെഷ്യയുടെ ഭൂപടം
സൗത്ത് ഒസ്സെഷ്യ (പച്ച), ജോർജ്ജിയയും അബ്ഘാസിയയും (ഇളം ചാരനിറം).
തലസ്ഥാനം	സ്ഖിൻവാലി
ഔദ്യോഗിക ഭാഷകൾ	ഒസ്സെറ്റിക്a ജോർജ്ജിയൻ റഷ്യൻa
അംഗീകരിച്ച പ്രാദേശിക ഭാഷകൾ	ജോർജ്ജിയൻ
ഭരണസമ്പ്രദായം	സെമി പ്രസിഡൻഷ്യൽ റിപ്പബ്ലിക്
• പ്രസിഡന്റ്	ലിയോണിഡ് ടിബിലോവ്
• പ്രധാനമന്ത്രി	റോസ്റ്റിസ്ലാവ് ഖൂഗയേവ്
നിയമനിർമ്മാണസഭ	പാർലമെന്റ്
from ജോർജ്ജിയയിൽ നിന്നും സ്വാതന്ത്ര്യം നേടി
• സ്വാതന്ത്ര്യപ്രഖ്യാപനം	1991 നവംബർ 28
• അംഗീകരിക്കപ്പെട്ടു	26 August 2008 (പരിമിതമായ രീതിയിൽ)
വിസ്തീർണ്ണം
• ആകെ വിസ്തീർണ്ണം	3,900 km2 (1,500 sq mi)
•  ജലം (%)	അവഗണിക്കത്തക്കത്
ജനസംഖ്യ
• 2012 estimate	55,000[1]
•  ജനസാന്ദ്രത	18/km2 (46.6/sq mi)
നാണയവ്യവസ്ഥ	റഷ്യൻ റൂബിൾ (RUB)
സമയമേഖല	UTC+3
ഡ്രൈവിങ് രീതി	right
ഒസ്സെഷ്യനും റഷ്യനും ഔദ്യോഗികഭാഷകളാണ്.[2]

1990-ൽ സൗത്ത് ഒസ്സെഷ്യക്കാർ ജോർജ്ജിയയിൽ നിന്നും സ്വാതന്ത്ര്യം പ്രഖ്യാപിച്ചു. ഇവർ തങ്ങളുടെ പേര് റിപ്പബ്ലിക് ഓഫ് സൗത്ത് ഒസ്സെഷ്യ എന്നാണെന്ന് പ്രഖ്യാപിച്ചു. ജോർജ്ജിയൻ സർക്കാർ സൗത്ത് ഒസ്സെഷ്യയുടെ സ്വയംഭരണാവകാശം എടുത്തുകളയുകയും ബലമുപയോഗിച്ച് ഈ പ്രദേശം പിടിച്ചെടുക്കാൻ ശ്രമിക്കുകയുമാണ് ചെയ്തത്.^[6] ഇത് 1991-92-ലെ സൗത്ത് ഒസ്സെഷ്യ യുദ്ധത്തിന് കാരണമായി.^[7] സൗത്ത് ഒസ്സെഷ്യ നിയന്ത്രിക്കുന്നവരുമായി ജോർജ്ജിയക്കാർ 2004-ലും 2008-ലും യുദ്ധം ചെയ്യുകയുണ്ടായി.^[8] 2008-ലെ യുദ്ധം റഷ്യയും ജോർജ്ജിയയും തമ്മിലുള്ള യുദ്ധത്തിലേയ്ക്കാണ് നയിച്ചത്. ഈ യുദ്ധത്തിൽ ഒസ്സെഷ്യൻ സൈനികരും റഷ്യൻ സൈന്യവും ചേർന്ന് സൗത്ത് ഒസ്സെഷ്യൻ ഓട്ടോണോമസ് ഒബ്ലാസ്റ്റ് പ്രദേശത്തിന്റെ മുഴുവൻ പ്രായോഗിക നിയന്ത്രണം ഏറ്റെടുത്തു.

2008-ലെ റഷ്യൻ-ജോർജ്ജിയൻ യുദ്ധത്തെത്തുടർന്ന് റഷ്യ, നിക്കരാഗ്വ, വെനസ്വേല, നവൂറു, തുവാലു എന്നീ രാജ്യങ്ങൾ സൗത്ത് ഒസ്സെഷ്യയുടെ സ്വാതന്ത്ര്യം അംഗീകരിച്ചു.^{[9][10][11][12][13]} ജോർജ്ജിയ സൗത്ത് ഒസ്സെഷ്യയുടെ രാഷ്ട്രീയ അസ്തിത്വം അംഗീകരിക്കുന്നില്ല. സൗത്ത് ഒസ്സെഷ്യയുടെ ഷിഡ കാർട്ട്ലി പ്രദേശത്തിലെ ഭൂമിയും ജോർജ്ജിയ അംഗീകരിക്കുന്നില്ല. റഷ്യൻ സൈന്യത്തിന്റെ അധിനിവേശത്തിലാണ് സൗത്ത് ഒസ്സെഷ്യ എന്നാണ് ജോർജ്ജിയ കണക്കാക്കുന്നത്.^[14]