Frequenz

Physikalischi Grössi
Name	Frekwänz
Formelzeiche vo dr Grössi	${\displaystyle f,\,\nu }$
Grössen- und Eiheite- system Eiheit Dimension SI Hz T−1

D Frekwänz (vo lat. frequentia, Hüfigkäit) isch in dr Füsik und dr Technik e Määss drfür, wie schnäll bim ene periodische Vorgang d Widerholige ufenander chömme, z. B. bin ere Schwingig. D Frekwänz isch dr Cheerwärt vo dr Periodeduur.^[1][2][3][4]

D Äihäit vo dr Frekwänz isch die abgläiteti SI-Äihäit mit em bsundrige Naame Hertz (Einheitenzeichen Hz), dodrbii isch 1 Hz = s⁻¹.^[5] Gläägentlig wärde aber au anderi Äihäite verwändet, wie z. B. min⁻¹ oder h⁻¹. Bi dr Frekwänzaagoob us Zaalewärt und Äihäit säit dr Zaalewärt, wie vili Periode wäärend ere gweelte Zitäihäit stattfinde.

Bi mängge Vorgäng wärde au d Bezäichnige Folgfrekwänz, Impulsfolgfrekwänz oder Huubfrekwänz verwändet, bi Dräibeweegige Dräizaal.