Gruppe vu dr zwanzg wichtigschte Induschtrii- un Schwelleländer
D Gruppe vu dr zwanzg wichtigschte Induschtrii- un Schwelleländer (G-20) isch e informälle Zämmeschluss vu 19 Staate un dr Europäische Union, wu s syter anne 1999 git. Si soll as Forum diene fir d Kooperation un Konsultation bi Froge vum internationale Finanzsyschtem.
An dr Dräffe vu dr G-20 nämme d Finanzminischter un Zentralbankchef vu dr G8 un vu elf wytere Staate deil, derzue EU-Bresidäntschaft (wänn die zue däm Zytpunkt nit vun eme G8-Staat gfiert wird), dr Bresidäntvu dr Europäische Zentralbank, dr Gschäftsfierend Diräkter (Managing Director) vum Internationale Währigsfond, dr Vorsitzer vum Internationale Währigs- un Finanzuusschuss (IMFC), dr Bresidänt vu dr Wältbank un dr Vorsitzer vum Development Committee vu Wältbank un Internationalem Währigsfond.
Wirtschaftligi Bedytig, Mitglider
In dr Staate, wu in dr Gruppe vu dr zwanzg wichtigschte Induschtrii- un Schwelleländer diräkt oder indiräkt verdrätte sin, dien zwei Drittelvu dr Wältbevelkerig rund 90 Brozänt vum wältwyte Bruttoinlandsprodukt (BIP) erwirtschafte un 80 Brozänt vum Wälthandel bstryte.[1] Di glyychmäßiger regional un kulturäll Verdeilig vu dr Mitglider (dur di zämmegfasst europäisch Verdrättig) git dr G-20 e zuesätzligi Legitimation.
| Land | Bevelkerig in Millione | Bevelkerig in Brozänt | BIP (Mrd. US-Dollar) | BIP ( Brozänt) | Region |
|---|---|---|---|---|---|
| Welt | 6700,0 | 100,0 | 54620,0 | 100,0 | |
 Vereinigti Staate | 304,0 | 4,5 | 13840,0 | 25,3 | Angloamerika |
 Japan | 127,2 | 1,9 | 4384,0 | 8,0 | Oschtasie |
 Dytschland (DE) | 82,4 | 1,3 | 3322,0 | 6,1 | Europa |
 China | 1330,0 | 19,9 | 3251,0 | 6,0 | Oschtasie |
 Vereinigts Königriich (GB) | 61,0 | 0,9 | 2773,0 | 5,1 | Europa |
 Frankriich (FR) | 64,0 | 1,0 | 2560,0 | 4,7 | Europa |
 Italie (IT) | 58,1 | 0,9 | 2105,0 | 3,9 | Europa |
 Kanada | 33,2 | 0,5 | 1432,0 | 2,6 | Angloamerika |
 Brasilie | 196,4 | 2,9 | 1314,0 | 2,4 | Latynamerika |
 Russland | 140,7 | 2,1 | 1290,0 | 2,4 | Europa / Asie |
 Indie | 1148,0 | 17,1 | 1099,0 | 2,0 | Sidasie |
| 48,4 | 0,7 | 957,0 | 1,8 | Oschtasie | |
 Australie | 21,0 | 0,3 | 908,0 | 1,7 | Ozeanie |
 Mexiko | 110,0 | 1,6 | 893,4 | 1,6 | Latynamerika |
 Türkei (TR) | 71,9 | 1,1 | 729,4 | 1,2 | Europa / Vorderasie |
| 237,5 | 3,5 | 432,9 | 0,8 | Sidoschtasie | |
 Saudi-Arabie | 28,1 | 0,4 | 376,0 | 0,7 | Vorderasie |
 Südafrika | 48,8 | 0,7 | 282,6 | 0,5 | Afrika |
 Argentinie | 40,5 | 0,6 | 260,0 | 0,5 | Latynamerika |
 Europäischi Union* | 500,0 | 7,4 | 16830,1 | 31,0 | Europa |
| G-20** | 4385,7 | 65,5 | 48213,1 | 88,3 | |
| Bevölkerung am 1. Juli 2008, Bruttoinlandsprodukt im Jahr 2008 *Mit dr G-20-Mitglider DE, FR, GB, IT. | |||||
Gschicht
In Reaktion uf d Asiekrise isch uf em Gipfel vu dr APEC-Länder im Novämber 1997 z Vancouver (Kanada) uf Initiative vum dodmolige US-Bresidänt Bill Clinton e au Willard Group gnännti Gruppe vu dr 22 bschlosse wore. Gegeniber dr hitige G-20 sin bi dr G-22-Staate zuesätzli Hongkong, Malaysia, Pole, Singapur un Thailand derbyy gsi, dergege hän di Europäisch Union, d Türkei un Saudi-Arabie gfählt. Im April 1998 het s erscht Dräffe vu dr G-22 z Washington stattgfunde.
Anne 1999 isch d Gruppe churzi Zyt zue dr G33 erwyteret wore, wu zwei Dräffe gha hän im Merz un April 1999. Scho im Septämber 1999 isch aber uf em Dräffe vu dr G8-Finanzminischter as Ersatz d G-20 in s Läbe gruefe wore. S erscht Dräffe het im Dezämber 1999 z Berlin stattgfunde.
Dräffe
| Nr. | Jahr | Stadt | Land | Datum | Websyte |
|---|---|---|---|---|---|
| 1 | 1999 | Berlin | Dytschland | 15./16.12. | |
| 2 | 2000 | Montréal | Kanada | ||
| 3 | 2001 | Ottawa | Kanada | ||
| 4 | 2002 | Delhi | Indie | ||
| 5 | 2003 | Morelia | Mexiko | ||
| 6 | 2004 | Berlin | Dytschland | ||
| 7 | 2005 | Peking | China | ||
| 8 | 2006 | Melbourne | Australie | 18./19.11. | |
| 9 | 2007 | Kapstadt | Südafrika | ||
| 10 | 2008 | São Paulo | Brasilie | 08./09.11. | |
| 11 | 2008 | Washington, D.C. | Vereinigti Staate | 15./16.11. | |
| 12 | 2009 | London | Vereinigts Königriich | 01./02.04. | [1] |
| 13 | 2009 | Pittsburgh | Vereinigti Staate | 24./25.09. | [2] |
| 14 | 2010 | Toronto | Kanada | 26./27.06. | [3] |
| 15 | 2010 | Seoul | 11./12.11. | [4] | |
| 16 | 2011 | Cannes | Frankriich | 03./04.11. | [5] |
| 17 | 2012 | Los Cabos | Mexiko | 18./19.06. | |
| 18 | 2013 | Moskau | Russland | 15./16.02. | |
| 19 | 2013 | Sankt Petersburg | Russland | 05./06.09. | |
| 20 | 2014 | Brisbane | Australie | 15./16.11. | |
| 21 | 2015 | Antalya | Türkei | 15./16.11. | |
| 22 | 2016 | Hangzhou | China | 04./05.09. | |
| 23 | 2017 | Hamburg | Dytschland | 07./08.07. | |
| 24 | 2018 | Buenos Aires | Argentinie | 30.11./1.12. |
Kritik
D Legitimation wird zem Deil in Frog gstellt: d G-20 umgoht di internationale Organisatione vu dr UNO. Au ass d Bschliss vu dr G20 nit rächtli binde, wird kritisiert.
Fueßnote
Weblink
Commons: G20 – Sammlig vo Multimediadateie- Abschlussdokument vum Gipfel 2009 mit Detail zue dr blante Regulierig vu dr Finanzmärt
- Offizielli Internetsyte vu dr G-20
- Uusgwehlti Wirtschaftsindikatore vum World Develompent Report 2006 vu dr Wältbank (änglisch, PDF-Datei)
 | Dä Artikel basiert uff ere fräie Übersetzig vum Artikel „Gruppe_der_zwanzig_wichtigsten_Industrie-_und_Schwellenländer“ vu de dütsche Wikipedia. E Liste vu de Autore un Versione isch do z finde. |