Wayback Machine

El serviciu Wayback Machine funciona d'una manera simple: basta teclear la direición (URL) d'una páxina web pa ver cuál ye la última copia qu'hai guardada nel archivu.^[1]Si queremos ver cómo yera va un tiempu una páxina en cuestión, entós Wayback machine va pidinos en qué fecha y añu queremos visitar la páxina. Esiste un calendariu na parte cimera de la pantalla, que dexa ver gráficamente les captures a lo llargo del tiempu. El llargor de les barres del gráficu indica en qué meses se fixeron más copies.

Lo que fai esti sitiu p'almacenar tol conteníu de la páxina web ye bien simple pero atélite: almacena namái'l conteníu HTML del códigu fuente y nun guarda les imáxenes sinón solo'l códigu; por eso, cuando un servidor d'imáxenes esanicia dalguna imaxe del sitio web orixinal, ésta nun ye reproducida, sinón que se marca como un error 404. En 2012 contenía 10 petabytes d'información y crecía en redol a 20 terabytes per mes.^[2]

Sicasí Wayback Machine ta lloñe de ser una copia completa d'internet pos dellos sitios eviten el so indexación y grabación d'información, como por casu usando l'archivu robots.txt con:User-agent: ia_archiverDisallow: /

Wayback CDX Server API

Dende payares de 2015 Wayback Machine cuenta con un serviciu de indexado de captures de páxines que dexa, rápido, conocer l'historial de grabáu pa cada URL tantu en formatu propiu como en formatu JSON.^[3] Dichu serviciu ye un proyeutu en fase beta denomináu Wayback CDX Server API y que'l so código fuente y manual d'usu ta agospiáu en GitHub.^[4]

• Wayback Machine
• Wayback Machine Plugin: guardar posts de WordPress