Potsdam

Potsdam
	Şəhər
Potsdam
	Potsdam
Bayraq	Gerb
	52°24′ şm. e. 13°04′ ş. u.
Ölkə	Almaniya
Torpaq	Brandenburq
Mer	Yan Yakobs
Tarixi və coğrafiyası
İlk məlumat	993
Sahəsi	187.28 km²
Mərkəzin hündürlüyü	35 m
Saat qurşağı	UTC+1 , yayda UTC+2
Əhalisi
Əhalisi	164 042 nəfər (2015)
Milli tərkibi	Almanlar
Rəqəmsal identifikatorlar
Telefon kodu	+49 (0) 331
Poçt indeksi	14467-14482
Nəqliyyat kodu	P
Digər
	potsdam.de
	Potsdam
	Vikianbarda əlaqəli mediafayllar

Potsdam (alm. Potsdam‎ [ˈpɔtsdam]) — Almaniyanın şərqində Brandenburq torpağında yerləşən şəhər. Brandenburq torpağının paytaxtıdır. Hafel çayının sahilində və bir biri ilə birləşmiş göllərin yaxınlığında yerləşir. Berlin şəhərindən 20 km cənub-qərbə yerləşir^[1]. 1945-ci ildə Potsdam konfransı bu şəhərdə keçirilmişdir.^[2]

1918-ci ilə qədər Prussiya kralları və Alman imperatorları üçün kurort ərazi idi.^[3]

Almaniyada yerləşən ən böyük Ümumdünya irsi abidəsi olan Sansusi sarayı bu şəhərdə yerləşir. Potsdamın cənub-şərq hissəsində yerləşən Babelsberq 1930-cu illərin əvvəllərində Almaniyada və bütün Avropada əsas film istehsalı studiyası olmuşdur. Bu kinostudiya dünyanın ən qədim genişmiqyaslı film studiyası hesab olunur.^[4]

Potsdam XIX əsrdən etibarən Almaniyanın elm mərkəzi kimi inkişaf etməyə başladı. Hazırda şəhərdə üç ictimai kollec, Potsdam Universiteti və 30-dan çox axtarış institutu fəaliyyət göstərir.^[5]

Coğrafiya

Ərazidə son buzlaşma dövründən qalan moren təpə və tirələri mövcuddur. Hazırda şəhər ərazisinin dörddə üç hissəsi meşə və kolluqlardan, qalan dörddə bir hissəsi isə urbanizasiyalaşmış ərazidən ibarətdir.

Potsdam şəhəri və ətraf ərazilərdə ümumilikdə 20-yə yaxın göl və çay vardır. Şəhərin ən hündür nöqtəsi 114 metr hündürlüyündəki Kleyner Ravensberq yüksəkliyidir.

Potsdam yeddi tarixi əraziyə və 2003-cü ildə şəhərə birləşdirilən 9 yeni kəndə bölünmüşdür. Şəhərin bu bölgələri bir-birindən kifayət qədər fərqlənir. Şimalda və mərkəzdə tarixi binalar üstünlük təşkil etdiyi halda, şəhərin cənub hissəsi yeni tikilmiş binalardan ibarətdir.

İqlim

Potsdam şəhəri dəniz iqlim tipində yerləşdiyinə görə, burada qış qarlı və soyuq, yay ayları isə sərin keçir. Qışda orta temperatur maksimum 3,5 °C, minimum isə −1.7 °C olur. Qış əsasən qarlı keçir. Yaz və payız fəsilləri qısa olur. Mülayim yay aylarında isə orta temperatur maksimum 23,6 °C, minimum isə 12,7 °C qeydə alınır.