Википедия:Веб-сайттарҙың әһәмиәтлелек критерийҙары
Был биттә Википедия ҡатнашыусылары өсөн теге йәки был веб-сайт йәки проект өсөн айырым мәҡәлә яҙырға кәрәкме-юҡмы икәнлеге тураһында тәҡдимдәр бирелә. Веб-сайт йәки веб-проект төшөнсәһе үҙ эсенә интернет-биттәрҙе, блогтарҙы, форумдарҙы, онлайн-журналдарҙы, флеш-йәнһүрәттәрҙе, порталдарҙы һәм хостинг-провайдерҙарҙы үҙ эсенә ала, ләкин улар менән генә сикләнмәй. Интернетта үҙ аллы таралған һәр эстәлек, ошо ҡулланмаған ярашлы, веб-проект тип һанала[1].
Википедистарҙың күбеһе Википедияны реклама өсөн ҡулланғанды яратмай, бынан тыш, Википедияның рәсми сәйәсәте Википедия мәҡәләләренең реклама маҡсатында ҡулланыла алмауын раҫлай: йә мәҡәләнән реклама алып ташланырға һәм нейтраль ҡараш талаптарына яуап бирергә, йә мәҡәлә үҙе юйылырға тейеш.
Википедия ҡатнашыусыларының күбеһе Википедияны интернет-каталог түгел һәм башҡа сайттар өсөн һылтанмалар биреү һәм был һылтанмаларҙы категориялаштырыу өсөн булдырылған сайт түгел тип һанай. Һис шикһеҙ, Википедия һылтанмалар, һүрәттәр йә файлдар һаҡлағысы түгел. Сайттың ҡыҫҡаса йөкмәткеһе тышҡы һылтанманан ғына торған мәҡәләләр йә юйҙырылырға, йә нейтраль ҡараш талабына яраҡлаштырып киңәйтелергә тейеш.
Әгәр шундай мәҡәләләр юйҙырыуға кандидат булһа, Википедия:Юйылыуға битендә фекер алышҡанда ҡатнашыусылар сайттарҙың әһәмиәтлелек критерийҙарын ҡулланма итеп алырға тейеш.
Веб-сайттарҙы энциклопедияға индереү критерийҙары
Интернет-проект дөйөм әһәмиәтлелек критерийына яуап бирһә (бойондороҡһоҙ абруйлы сығанаҡтарҙа ентекле һүрәтләнеүе етә), был интернет-проект[2] тураһында мәҡәлә яҙырға мөмкин. Бындай сығанаҡтарға мәғлүмәт технологиялары тураһындағы билдәле баҫма һәм электрон гәзиттәр һәм журналдар, шулай уҡ профилле сығанаҡтар инә.Бынан тыш, интернет-проект тураһындағы мәҡәлә түбәндәге критерийҙарҙың береһе булһа ла үтәлгән осраҡта яҙыла ала:
- Сайт үҙ профилендәге абруйлы наградаларға (РОТОР, Рунет Премияһы, Алтын сайт, Webby Awards) эйә.
- Сайт инеүҙәр һаны буйынса alexa.com сервисына ярашлы донъя сайттарының ТОП-100-өнә инә йә ингән[3].
Сайт тураһындағы мәҡәләлә мотлаҡ сайттың ошо критерийҙарҙың береһенә яуап биреүен раҫлаған иҫбатлама, мәҫәлән, «Иҫкәрмәләр» бүлегендә һылтанма булырға тейеш.