Википедия:Әһәмиәтлелек

Предмет йәки тема бойондороҡһоҙ абруйлы сығанаҡтарҙа тейешле кимәлдә ентекле яҡтыртылһа, ул әһәмиәтле тип фаразлана.

Был билдәләмәлә һәр һүҙ мөһим:

• «фараз» был формулировкаға туп килтереү уның әһәмиәтен гарантиялауҙы түгел, ә бары тик уның булыуын ғына фаразлауҙы аңлата. Берләшмә тема буйынса мәҡәләнең, сығанаҡтар етерлек булыуға ҡарамаҫтан, энциклопедияға тап килмәүе тураһында уртаҡ фекергә килергә мөмкин (мәҫәлән, ул Википедия нимә түгел тигән ҡағиҙәгә тура килһә)^[2]. Икенсе яҡтан, берләшмә бойондороҡһоҙ сығанаҡтар булмауға ҡарамаҫтан, мәҡәлә энциклопедияға тура килә, тигән уртаҡ фекергә килеүе ихтимал.
• «ентекле» тимәк, тема сығанаҡтарҙа туранан-тура энциклопедик маҡсатҡа ярашлы күләмдә яҡтыртыла, мәғлүмәт сығанаҡтарҙан оригиналь тикшереүҙәр үткәрмәйенсә алынған. Сығанаҡтарҙа әһәмиәтлелекте нигеҙләү өсөн ябай телгә алыу ғына етмәй, шул уҡ ваҡытта сығанаҡтар тема буйынса тулы мәғлүмәт бирергә йәки тик ошо темаға ғына бағышланырға тейеш түгел^[3].
• «бойондороҡһоҙ абруйлы сығанаҡтарҙа» тигәндә мәҡәлә сығанағының мәҡәлә предметы менән бәйле матди йәки башҡа ҡыҙыҡһыныуы булмауы аңлатыла. Реклама материалдары, матбуғат релиздары, ҡаралған тема буйынса үҙ аллы нәшер ителгән сығанаҡтар баҫтырылған сығанаҡтар, автобиографиялар әһәмиәтлелек нигеҙе була алмай^[4]. Әһәмиәтлелектең төп күрһәткесе булып икенсел сығанаҡтар тора^[5].
• «бойондороҡһоҙ абруйлы сығанаҡтарҙа» тиеү унда күрһәтелгән факттарҙың мөхәррирҙәр тарафынан тикшерелеүен, уларҙың Абруйлы сығанаҡтар ҡағиҙәләренә нигеҙләнеп әһәмиәтлелеген баһалауҙы тикшереп булыуын аңлата.
• «бойондороҡһоҙ абруйлы сығанаҡтарҙа»^[6] — Википедия өсөн икенсел һәм өсөнсөл сығанаҡтар билдәләүсе булып тора, тап улар әһәмиәтлелектең объектив раҫлауын бирә. Кәрәкле сығанаҡтарҙың һаны һәм сифаты уларҙың тәрәнлеге һәм ышаныслылығына бәйле төрлө булыуы мөмкин. Бер нисә бойондороҡһоҙ сығанаҡ булһа — бигерәк тә яҡшы^[7].

Берләшмәнең уртаҡ фекеренә ярашлы, ошо критерийҙарға тап килгән тип танылған тема йәки предмет, ҡағиҙә булараҡ, әһәмиәтле була; уларға энциклопедияның айырым мәҡәләһе бағышланыуы ихтимал. Критерийҙарға тура килмәгән тема йәки предмет тураһында тикшереп булған мәғлүмәт әҙер мәҡәләләр эсенә индерелә ала.

Мәҡәләнең әһәмиәтлелеге тураһындағы мәсьәләне хәл иткәндә иң мөһиме булып әһәмиәтлелек критерийҙары талаптарына тап килгән объектив раҫлауҙарҙы күрһәтеү талабы тора. Абруйлы сығанаҡтарҙа ентекле яҡтыртылыу, һөнәри өлкәлә танылыу, аныҡ темалар өсөн әһәмиәтлелек критерийҙарында атап үтелгән факторҙар шундай раҫлау булып тора.

Әлеге ваҡытта мәҡәләлә икенсел абруйлы сығанаҡтарға һылтанмалар булмауы мәҡәлә темаһының әһәмиәтһеҙ булыуын аңлатмай әле.

ВП:НЕНОВОСТИ

Википедия — яңылыҡтар репортажы урыны түгел. Ағымдағы сараларҙы яҡтыртыу өсөн Викияңылыҡтар проекты булдырыла. Әһәмиәтлелекте нигеҙләү өсөн ваҡиғаға йәки йәмәғәт тормошондағы күренешкә киң мәғлүмәт сараларының ҡыҫҡа ғына иғтибары түгел, ә күберәк кәрәк. Теге йәки был осраҡтарҙа абруйлы сығанаҡтар ваҡытлы йәки спорадик характерлы булһа, йә мәҡәлә предметының юғары сифатлы аналитик материалдарҙа ентекле ҡаралыуын күрһәтергә (йәғни ошо өлкәлә компетентлы йәки саҡырылған эксперттар ҡараған), йәки мәҡәлә предметының абруйлы сығанаҡтарҙа ҡыҫҡа ғына иғтибарынан тыш типик миҫал сифатында күп тапҡырҙар иҫкә алыныуын күрһәтергә кәрәк^[8].

Шулай уҡ Википедия:Ваҡиғалар тураһында мәҡәләләр һәм Википедия:Ағымдағы ваҡиғалар тураһында мәҡәләләр яҙыу буйынса ҡулланма эсселарын ҡарағыҙ.

ВП:НКЗ

Барлыҡ мәҡәләләрҙә лә уларҙың темаһының әһәмиәтлелеге күрһәтелһә лә, ә критерийҙарға тап килмәгән темалар тураһында мәҡәләләр, ғәҙәттә, юйыла, мәҡәләнең хәҙерге торошон ғына түгел, ә уның үҫеш потенциалын да күрһәтергә кәрәк. Әһәмиәтһеҙлеге буйынса мәҡәләләрҙе юйыу йәки берләштереү буйынса фекер алышҡанда, мәҡәләлә тема әһәмиәтлелеге күрһәтелеүе мәсьәләһе генә түгел, уның күрһәтелеү ихтималлығы буйынса ла фекер алышыу булырға тейеш. Әгәр бойондороҡһоҙ сығанаҡтарҙы табыу мөмкин булһа, мәҡәләгә сығанаҡтар табыу буйынса алып барылған әүҙем эшмәкәрлектең бер ниндәй ҙә һөҙөмтә бирмәүе танылғанға тиклем әһәмиәтһеҙлек сәбәбе буйынса юйылырға тейеш түгел. Әһәмиәтһеҙлеге асыҡланмаған мәҡәләләр өсөн юйҙыртыу һуңғы сара булырға тейеш.

Әгәр мәҡәлә темаһын күрһәтеү өсөн етерлек сығанаҡтар булмаһа, уларҙы табырға тырышығыҙ, йәки:

• мәҡәләне яҙыусынан йәки мәҡәлә темаһы буйынса эксперттан ҡайҙан сығанаҡ табырға мөмкин икәнлеген һорағыҙ^[9].
• мәҡәләне {{әһәмиәтлелек}} ҡалыбы менән билдәләгеҙ, Википедияның башҡа ҡатнашыусылары ла проблема тураһында белеп торһон.
• Башҡа википроекттар ҡатнашыусыларына мөрәжәғәт итегеҙ; бәлки, улар Интернетта табып булмаған сығанаҡтарҙы таба алыр.

Әгәр кәрәкле сығанаҡтар табылмаһа, мәҡәлә эстәлеген дөйөм тематика буйынса мәҡәләгә индереү мөмкинлеген ҡарағыҙ (шул иҫәптән мәҡәләләрҙе берләштереү аша)^[10], юҡһа, мәҡәләне юйырға тура киләсәк. Мәҡәләне юйҙыртыу тураһында бик күп тәҡдимдәрҙе уларҙың адекват булмауы сәбәпле кире ҡағыу осраҡтары ла билдәле. Мәҡәләне юйҙыртырҙан алда, уның әһәмиәтен раҫлаусы сығанаҡтар табырға мөмкинме икәнлеген ентекле тикшерергә кәрәк.

• әгәр мәҡәлә тиҙ юйҙыртыу критерийына тап килә икән, уға тейешле ҡалып ҡуйырға кәрәк.
• йәки мәҡәләне юйҙыртыуҙың фекер алышыу битенә сығарырға кәрәк, был процедура Википедия:Юйылыуға битендә аңлатып яҙылған.

ВП:Не утрачивается ВП:НЕУТРАЧИВАЕТСЯ

Википедияға әлеге ваҡытта йәки үткән заманда әһәмиәтле булған теvалар тураһында мәҡәләләр индерелә ала. Әгәр тема әһәмиәтлелектең дөйөм критерийҙарын ҡәнәғәтләндерһә, eға иғтибарҙың өҙлөкһөҙлөгөн һәм актуаллеген күрһәтеп тороу кәрәкмәй. Әһәмиәтлелеге әлегә аныҡ булмаған темалар, ваҡыт үткәс, яңы сығанаҡтар барлыҡҡа килгәс, әһәмиәтле тип табылырға мөмкин. Шуға ҡарамаҫтан, мәҡәләнең әһәмиәтлелеген дәлилләү теманың киләсәктә өҫтәмә яҡтыртылыу ихтималлығы тураһындағы белдереүгә нигеҙләнергә тейеш түгел.

ВП:ПОДРОБНОСТИ

Шулай уҡ ҡарағыҙ: Википедия:Нейтраль ҡараш, Википедия:Факттың әһәмиәте

Әһәмиәтлелек тураһында ҡағиҙәләр һәм ҡулланмалар теманың, уға айырым мәҡәлә бағышлау өсөн етерлек дәрәжәлә әһәмиәтлеме, түгелме икәнлеген асыҡларға ярҙам итәю Улар, күпселек осраҡта, мәҡәләләрҙең йөкмәткеһенә туранан-тура ҡағылмай. Айырым бүлектәрҙең һәм факттарҙың мәҡәләгә индерелеүе башҡа ҡағиҙәләр һәм ҡулланмалар, атап әйткәндә: Википедия:Тикшереп булыу, абруйлы сығанаҡтар ҡулланыу, Википедия:Википедия нимә түгел, һәм башҡалар менән көйләнә.

Шул уҡ ваҡытта мәҡәләләрҙең нейтраллеге талаптарын һәм мәҡәлә темаһына йәки предметына ҡағылышлы аҙ әһәмиәтле деталдәрҙе ҙур итеп һүрәтләү ярамағанлығын да иҫәпкә алырға кәрәк. Авторҙар ентекле һүрәтләүҙең тема аспектының мөһимлегенә тап килеүенә ынтылырға тейеш.

Бирелгән теманы яҡтыртыуҙа, әһәмиәтлелегенә ярашлы, мәҡәләнең һәр аспектының үлсәнгән булыуы мотлаҡ. Нейтраллекте боҙоу ихтимал булған ғайһы бер мәлдәргә иғтибар итегеҙ: аҙ әһәмиәтле мәлдәрҙе ентекле яҡтыртыу, мәҡәләнең бңлектәрен төрлө кңләмдә һүрәтләү, мәҡәләлә урын алған айырым аспекттарҙы, раҫлауҙарҙы сағыштырып, нигеҙһеҙ айырымлау.

ВП:ЧКЗ

Ғәмәлдәге ҡағиҙәләр

• Веб-сайттар
• Шәхестәр
  • Википедия:Юғары дәүләт наградалары кавалерҙары
  • Футболсылар
  • Киберспорт һәм киберспортсылар
• Программалар
• Аниме һәм манга
• Исемлектәр

• Википедия:Нейтраль ҡараш
• Википедия:Википедия нимә түгел
• Википедия:Проекттар