FIFA
De FIFA (Federation Internationale de Football Association) is da Wödfuaßboivabaund und sei Sitz is in Zürich. Se oaganisiert vaschiedane Fuaßboibewerbe fia Mauna oba a fia Fraun. Zum Beispü de Wödmastaschoftn de olle via Joa stotfindn. De jetzige President is da Blatter Sepp.
Tuaniere
Wia gsogt organiesert de FIFA a poa Wettbeweabe. Und zwoa:
- d Wödmastaschoft
- d Wödmastaschoft fia Fraun
- Wödmastaschoftn fia U-20 und U-17 Nationalmonschoftn (gibts fia Mauna und fia Fraun)
- en Konfödarationen-Pokal
- s Olümpische Fuaßboituania
- Klub-Wödmastaschoftn (de is im Gegnsotz zu olle ondan fia Fuaßboivareine und net fia Nationalmonschoftn)
- Biedsch-Sokka Wödmastaschoft
- Futsal-Wödmastaschoftn
Es gibt a a FIFA-Wödronglistn vo olle Nationalmonschoftn.
Gschicht
De FIFA is gründet worn vo siebn Gründungsmitgliedan om 21. Mei 1904 in Paris. S easchte große Fuaßboituania woa s Olümpische Fuaßboituania 1908 in London. 1930 woa in Uruguay donn de easchte Wödmastaschoft. Domois worn oba no net so vüle Monschoftn dabei wie jetzan.
Vabende
De FIFA hot 208 Nationalvabende. De miassn oba a Mitglied in an vo de sechs Kontinentalvabende sein, damits bei da FIFA dabei sein kinna. Es gibt oba umgekeat a poa Nationalvabände de zwoa in irm Kontinentalvabond san, oba net bei da FIFA dabei san.De sechs Kontinentalvabende san:
- Asian Football Confederation (AFC)
- Confederation Africaine de football (CAF)
- Confederacion Sudamericana de Fútbol (CONMEBOL CSF)
- Confederation of North and Central American and Caribbean Association Football (CONCACAF)
- Oceania Football Confederation (OFC)
- Union of European Football Associations (UEFA)
De Nationalvabende de bei da FIFA dabei san kriagn vo ia a bissl a Göd, se miassn dafia oba a Vuaschriftn eihoidn und den Spuat a beweabn. Es Göd kummt vua ollem vo di Weabeeinnoman und de Feanseausstrolungslizenzn fia eanare Tuaniere.
Oaganisatioun
Da President von da FIFA is seid 1998 da Sepp Blatter.
Bishearige Presidentn von da FIFA
| Name | Lond | von | bis |
|---|---|---|---|
| Robert Guerin |  Fraunkreich | 1904 | 1906 |
| Daniel Burley Woolfall |  England | 1906 | 1918 |
| Jules Rimet | Frankreich | 1921 | 1954 |
| Rodolphe William Seeldrayers | .svg){kind=small} Bejgien | 1954 | 1955 |
| Arthur Drewry | England | 1955 | 1961 |
| Stanley Rous | England | 1961 | 1974 |
| João Havelange |  Brasilien | 1974 | 1998 |
| Joseph Blatter |  Schweiz | 1998 | jez |
Im Netz
Uruguay 1930 |Italien 1934 |Frãnkreich 1938 |Brasülien 1950 |Schweiz 1954 |Schwedn 1958 |Tschile 1962 |Englånd 1966 |Mexiko 1970 |Deitschlånd 1974
Agentinien 1978 |Schbanien 1982 |Mexiko 1986 |Italien 1990 |USA 1994 |Frãnkreich 1998 |Südkorea/Japan 2002 |Deitschlånd 2006 |Südafrika 2010 |Brasülien 2014