Mga Saksi ni Jehova

An Mga Saksi ni Jehova na iyo an sarong milenyaryanong restorasyonistang denominasyon na Kristyano na may pagtubod na bakong Trinitaryano.^[1] An iribahan na ini nagrereport nin pangkinaban na mga kaayon nin labi sa 8.3 milyon na na-iimbwelto sa ebanghelismo, mga pag-atindir sa kombensyon kaini nin labi sa 12 milyon asin taonan na mga pag-atindir nin pag-rumdom sa kagadanan ni Hesus^[2] nin labi sa 20.08 na milyon. Pigmananiharan sinda kan mga namamayong hawak kan mga Saksi ni Jehova na sarong grupo nin mga kamagurangan sa Warwick, New York na nagigibo kan gabos na doktrina asin mga panundon.^[3] An saindang traduksyon kan Bibliya^[4][5] iyo an Bagong Kinaban na Traduksiyon kan Banal na Kasuratan. Nagtutubod sinda na harani na an pagkapuho kan presenteng sistema kan kinaban sa Armageddon asin an pagkatogdas kan kahadean kan Dios sa kinaban an solamenteng solusyon sa gabos na mga problema na inaatubang kan sangkatawuhan.^[6]

Naglataw an grupo gikan sa Bible Student movement tinogdas kaidtong huri kan dekada 1870 ni Charles Taze Russell, na iyo man an kagtogdas ka Zion's Watch Tower Tract Society kaidtong 1881 tanganing maorganisar asin iimprinta an mga publikasyon kan hiroan.^[7] An leadership dispute pagkatapos kan kagadanan ni Russell nagresulta sa kadakol na mga grupo na nagsuhay, na si Joseph Franklin Rutherford nagdanay an kontrol sa Watch Tower Society asin an saiyang mga pagrogaring.