Іберыс

Травы ці паўхмызнякі з парасонападобнымі пэндзлямі кветак, што ў капустакветных — рэдкасць. Лісце простае.

Чашалісцікі адлеглыя, не мешкападобныя. Пялёсткі белыя, ружовыя ці ліловыя, абодва знешнія моцна павялічаны. Ніткі тычынак простыя, свабодныя. Па абодвух баках кароткіх тычынак па адной трохкутнай мядовай залозе.

Прадстаўнікі роду сустракаюцца ў Малой Азіі і ў Паўднёвай Еўропе, асабліва ў гарах. На поўдні Расіі і Украіны, пераважна ў Крыму, да нізоўяў ракі Дон і на Каўказе растуць 3—4 дзікіх віды.

На тэрыторыі Беларусі ў дзікім выглядзе не сустракаецца, але дэкаратыўна вырошчваюцца некаторыя разнавіднасці Iberis amara, іберыс вечназялёны (Iberis sempervirens) і Iberis umbellata^[4].

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• Іберыс, іберыйка // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 391.
• Н. А. Буш. Флора СССР. В 30-ти томах / Главный редактор акад. В. Л. Комаров; Редактор тома Н. А. Буш. — М.—Л.: Издательство Академии Наук СССР, 1939. — Т. VIII. — С. 550—552. — 696 + XXX с. — 5 200 экз.

• Иберийка — род Iberis: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Iberis (англ.) // The Plant List