Іосіф Абручнік

Іосіф Абручнік, або Іосіф Абраннік (іўр.: יוֹסֵף, грэч. Ἰωσήφ; каля 90 да н.э., Віфлеем^[5] — 20 ліпеня 18, Назарэт^[5]) — муж Марыі, маці Ісуса, і зямны апякун Ісуса. У рымска-каталіцкай, праваслаўнай і англіканскай хрысціянскай традыцыі Іосіф лічыцца святым.

Іосіф Абручнік
іўр.: יוֹסֵף
Святы Іосіф з малым Ісусам працы Гвіда Рэні, каля 1635 года
Дата нараджэння	30 да н.э.[1]
Месца нараджэння	Назарэт, Іўдзея
Дата смерці	не раней за 12 і не пазней за 29
Месца смерці	Назарэт, Іўдзея, Рымская імперыя
У ліку	святы
Дзень памяці	19 сакавіка[4] і Q123467193?
Заступнік	Каталіцкая царква, бацькі, эмігранты, працаўнікі
Бацька	Heli[d][2] або Jacob[d][3]
Муж	Марыя, маці Ісуса
Дзеці	Ісус Хрыстос, James the Just[d], Simon, brother of Jesus[d], Jude[d], Joses[d], Joseph Barsabbas[d] і historical Jesus[d]
Медыяфайлы на Вікісховішчы

Пасланні Паўла, якія лічацца раннімі захаванымі хрысціянскімі тэкстамі, не ўпамінаюць пра бацьку Ісуса, таксама ўпамінання няма ў Евангеллі паводле Марка, якое лічыцца першым з Евангелляў^[6]. Першы ўспамін пра Іосіфа змяшчаюць Евангелле паводле Мацвея і Лукі. У кожным з іх змешчаны радавод Ісуса, які прасочвае яго род ад цара Давіда.

Евангеллі паводле Мацвея і Лукі таксама з’яўляюцца адзінымі Евангеллямі, якія апавядаюць пра дзяцінства Хрыста, але іх звесткі розняцца. У Евангеллі паводле Лукі, Іосіф жыве ў Назарэце і адпаведна патрабаванням рымскага перапісу насельніцтва з’язджае ў Віфлеем, дзе і нарадзіўся Ісус. У Евангеллі паводле Мацвея, Іосіф быў у Віфлееме, горадзе Давіда, дзе нарадзіўся Ісус, а пасля смерці Ірада з сям’ёй пераехаў у Назарэт. Евангелле паводле Мацвея таксама апавядае пра забойства немаўлят і ўцёкі ў Егіпет: пасля Нараджэння Хрыстова Іосіф застаецца ў Віфлееме на нявызначаны тэрмін (мусіць, два гады), пакуль яго сям’я хаваецца ў Егіпце, пасля смерці Ірада сям’я вяртаецца ў Іўдзею і селіцца ў Назарэце. Ад гэтага чаму няма ніякіх згадак Іосіфа па імені, хоць гісторыя Ісуса ў храме, у дванаццаты год Ісуса, змяшчае спасылку на «абодвух бацькоў».

Іосіф шануецца як святы ў каталіцкай, праваслаўнай, усходняй праваслаўнай, англіканскай, лютэранскай цэрквах. У каталіцкай і іншых традыцыях Іосіф з’яўляецца заступнікам работнікаў і мае некалькі святаў. Ён таксама быў абвешчаны апекуном і абаронцам каталіцкай царквы Папам Піем IX у 1870 годзе, з’яўляецца заступнікам некалькіх краін і рэгіёнаў.