Архітэктура Беларусі (энцыклапедычны даведнік)
энцыклапедычны даведнік
«Архітэктура Беларусі» — галіновы энцыклапедычны даведнік. Падрыхтаваны і выдадзены выдавецтвам «Беларуская Энцыклапедыя» ў 1993 годзе. Упершыню ў 1-томным выданні было змешчана сістэмнае апісанне помнікаў старажытнага і сучаснага беларускага дойлідства, лепшых мемарыяльных збудаванняў, сапраўдных дасягненняў горадабудаўнічага мастацтва Беларусі.
| Архітэктура Беларусі | |
|---|---|
 | |
| Агульная інфармацыя | |
| Тып | напісаны твор[d] |
| Жанр | энцыклапедыя |
| Месца выдання | Мінск |
| Выдавецтва | «Беларуская Энцыклапедыя» |
| Год выдання | 1993 |
| Старонак | 620 |
| Носьбіт | цвёрды |
| ISBN | 5-85700-078-5 |
Асноўныя часткі энцыклапедычнага даведніка разам змяшчаюць звыш 1200 разгорнутых артыкулаў, ілюстраваных каляровымі і чорна-белымі здымкамі, схемамі, чарцяжамі, малюнкамі і картамі.
Структура
У структуры даведніка:
- аглядны нарыс па гісторыі архітэктуры Беларусі ад старажытных часоў да нашых дзён;
- пададзены ў алфавітным парадку энцыклапедычныя артыкулы пра архітэктуру жылых і грамадскіх будынкаў, прамысловую і сельскую, замкавае і абарончае будаўніцтва, палацавую і сядзібна-паркавую архітэктуру, культавае дойлідства, мемарыяльныя комплексы, горадабудаўнічныя ансамблі, гарады, гарадскія пасёлкі і вёскі Беларусі;
- асноўныя архітэктурныя паняцці і тэрміны;
- пададзены ў алфавітным парадку біяграфіі беларускіх архітэктараў і замежных, творчасць якіх звязана з Беларуссю; гісторыкаў і тэарэтыкаў архітэктуры, кароткія звесткі пра Саюз архітэктараў Беларусі з поўным пералікам яго членаў, імёны і прозвішчы якіх падаюцца ў храналагічным парадку — па гадах іх уступлення ў арганізацыю (1934—1991); асноўная літаратура пра архітэктуру Беларусі (усяго 106 назваў).
Бібліяграфічныя звесткі
- Архітэктура Беларусі: Энцыклапедычны даведнік. — Мн.: БелЭн, 1993. — 620 с.: іл. — ISBN 5-85700-078-5.
Літаратура
- В. К. Шчэрбін. «Архітэктура Беларусі» // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.
🔥 Top keywords: Галоўная старонкаАдмысловае:SearchУладзімір КараткевічКарлес ПучдэмонМіхась ПазнякоўАдмысловае:RecentChangesВікіпедыя:ФорумЯнка БрыльРаіса Андрэеўна БаравіковаМарыя АнтуанетаАлесь БадакЯнка СіпакоўПімен ПанчанкаДзеяслоўВіктар Анатолевіч ШніпГенадзь Пятровіч ПашкоўЯўгенія ЯнішчыцМар’ян ДуксаЮрась СвіркаУладзімір Іванавіч КарызнаАлесь РазанаўБеларусьЛюдміла РублеўскаяДзікае паляванне караля СтахаВікіпедыя:СупольнасцьМіхась БашлакоўЯкуб КоласМагіла льва (паэма)Янка КупалаБярозка (часопіс)AP$ENTІван МележІван ШамякінУННВАркадзь КуляшоўДзеепрыслоўеВасіль БыкаўРыгор БарадулінЛюдзі на балоце (раман)