Дамба́ртан (англ.: Dumbarton, шатл. гэл.: Dùn Breatainn) — горад у Шатландыі, адміністрацыйны цэнтр вобласці Заходні Дамбартаншыр. Размешчаны на паўночным беразе ракі Клайд. Верагодна, з канца IV стагоддзя тут знаходзілася сталіца каралеўства Алт Клуіт (вядомага пазней як Стратклайд). Гэта дзяржава была ўтворана мясцовым брыцкім племем дамноніяў. Першы кароль дамноніяў — Керэтык Землеўладальнік, пабудаваў на скале крэпасць Дан-Брытан («брытанскі форт»), ад назвы гэтага замка і пайшла назва горада.
