Доўскі сельсавет
До́ўскі сельсавет — адміністрацыйна-тэрытарыяльная адзінка ў складзе Рагачоўскага раёна Гомельскай вобласці Беларусі. Цэнтр — аграгарадок Доўск.
| Доўскі сельсавет | |
|---|---|
| Краіна |  Беларусь |
| Уваходзіць у | Рагачоўскі раён |
| Уключае | 16 населеных пунктаў |
| Адміністрацыйны цэнтр | Доўск |
| Дата ўтварэння | 20 жніўня 1924 |
| Насельніцтва (2019) | 2 333 |
| Часавы пояс | UTC+03:00 |
| Код аўтам. нумароў | 3 |
Утвораны 20 жніўня 1924 года ў складзе Журавіцкага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Журавіцкім раёне БССР. З 8 ліпеня 1931 года ў складзе Рагачоўскага раёна, з 12 лютага 1935 года ў складзе Доўскага раёна, які 5 красавіка 1935 года перайменаваны ў Журавіцкі сельсавет. З 20 лютага 1938 года ў складзе Гомельскай вобласці. З 17 снежня 1956 года сельсавет у складзе Рагачоўскага раёна. 14 красавіка 1960 года да сельсавета далучана частка скасаванага Серабранскага сельсавета (10 населеных пунктаў: Кусочак, Новая Серабранка, Ракуціна, Свержань, Сіпораўка, Слабада, Старая Серабранка, Фёдараўка, Хмелянец і Юдзічы)[1]. На 1 студзеня 1974 года ў складзе сельсавета было 16 населеных пунктаў[2].
Насельніцтва сельсавета паводле перапісу 2009 года — 3075 чалавек[3], з іх 93,1 % — беларусы, 4,4 % — рускія, 1,1 % — украінцы, 0,4 % — татары[4]; паводле перапісу 2019 года — 2333 чалавекі[5].
Зноскі
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
Спасылкі
- Інфармацыя пра Доўскі сельсавет на сайце Рагачоўскага райвыканкама Архівавана 11 ліпеня 2021. (руск.)