Ленінскі сельсавет (Жабінкаўскі раён)

Ле́нінскі сельсаве́т — адміністрацыйна-тэрытарыяльная адзінка ў складзе Жабінкаўскага раёна Брэсцкай вобласці Беларусі. Цэнтр — аграгарадок Ленінскі.

Ленінскі сельсавет
Краіна	Беларусь
Уваходзіць у	Жабінкаўскі раён
Уключае	11 населеных пунктаў
Адміністрацыйны цэнтр	Ленінскі
Дата ўтварэння	12 кастрычніка 1940
Насельніцтва (2009)	2 553
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года як Рагозненскі сельсавет у складзе Жабінкаўскага раёна Брэсцкай вобласці БССР. Цэнтр — вёска Рагозна. З 8 жніўня 1959 года ў складзе Кобрынскага раёна. 6 студзеня 1960 года ў склад Стрыганецкага сельсавета Брэсцкага раёна перададзена вёска Пятровічы^[1]. 21 студзеня 1961 года да сельсавета далучана тэрыторыя скасаванага Стрыганецкага сельсавета, з Азяцкага сельсавета перададзены вёскі Багданы, Мышчыцы, Рыкавічы, Хадасы і Чыжэўшчына^[2]. 4 студзеня 1965 года з часткі сельсавета (8 населеных пунктаў: вёскі Булькова, Дзяглі, Задзерць, Замошаны, Пятровічы, Ракітніца, Стрыганец і Федзькавічы) утвораны Пятровіцкі сельсавет^[3]. 30 ліпеня 1966 года ў складзе адноўленага Жабінкаўскага раёна. У 1968 годзе на тэрыторыі сельсавета ўзнік пасёлак, які ў 1970 годзе атрымаў назву Ленінскі^[4]. У 1970 годзе скасавана вёска Ацячызна (злілася з пасёлкам Ленінскі)^[5]. 21 студзеня 1971 года цэнтр сельсавета перанесены ў пасёлак Ленінскі, сельсавет перайменаваны ў Ленінскі, скасавана вёска Рыкавічы (злілася з вёскай Чыжэўшчына)^[6]. На 1 студзеня 1974 года ў складзе сельсавета 12 населеных пунктаў^[7].

Насельніцтва сельсавета паводле перапісу 2009 года — 2553 чалавекі^[8], з іх 89,3 % — беларусы, 5,6 % — рускія, 4,2 % — украінцы^[9].