Наталля Віктараўна Гайда
Наталля Віктараўна Га́йда (1 мая 1939, г. Свярдлоўск) — беларуская спявачка (сапрана). Народная артыстка Беларускай ССР (1980).
| Наталля Гайда | |
|---|---|
| Імя пры нараджэнні | Наталля Віктараўна Гайда |
| Дата нараджэння | 1 мая 1939 (85 гадоў) |
| Месца нараджэння | |
| Грамадзянства | |
| Прафесія | |
| Гады актыўнасці | з 1966 |
| Тэатр | |
| Прэміі | |
| Узнагароды | |
| IMDb | ID 8345369 |
Біяграфія
Скончыла кансерваторыю ў 1966, працавала ў тэатры оперы і балета ў Свярдлоўску. З 1969 салістка Дзяржаўнага тэатра оперы і балета БССР, з 1970 — Дзяржаўнага тэатра музычнай камедыі БССР[1].
Творчасць
Н. Гайдзе ўласцівыя артыстызм, эмацыйнасць, яе гераіні надзелены шчырасцю, жыццярадаснасцю, жаночай прывабнасцю. Выканаўца вядучых партый у класічнай і савецкай аперэтах[1]. Сярод іх: Насця («Несцерка» Р. Суруса), Ірына, Паўлінка («Пяе „Жаваранак“», «Паўлінка» Ю. Семянякі), Стэла («Вольны вецер» І. Дунаеўскага), Чаніта («Пацалунак Чаніты») Ю. Мілюціна), Батманова («Халопка» М. Стрэльнікава), Фяніса («Мудрагелістая закаханая» А. Рабава), Зорыка, Ганна Главарыи («Цыганскае каханне» і «Вясёлая ўдава» Ф. Легара), Віялета, Марыца, Сільва («Фіялка Манмартра», «Марыца», «Сільва» І. Кальмана)[1].
Узнагароды
- Народная артыстка Беларускай ССР (1980).
- Заслужаная артыстка Беларускай ССР (1973).
- Ордэн «Знак Пашаны» (1986).
- Прыз «Хрустальная Паўлінка» (1992).
- Лаўрэатка тэатральнай прэміі імя Л. Александроўскай (1992)
- Медаль Францыска Скарыны (1999).
- Ордэн Францыска Скарыны (2011).
- Ганаровая грамата Савета Міністраў Рэспублікі Беларусь (5 мая 1999) — за вялікі ўнёсак у развіццё беларускага тэатральнага мастацтва, актыўную грамадскую дзейнасць[2]
- Лаўрэат трэцяй Нацыянальнай тэатральнай прэміі — за ўнёсак у развіццё тэатральнага мастацтва (Мінск, 2014)[3].
- Спецыяльны прыз V Міжнароднага конкурсу маладых артыстаў аперэты і мюзіклу імя В. Курачкіна (Екацярынбург, 2014)[4].
Зноскі
Спасылкі
- НАТАЛЛЯ ГАЙДА. ПРЫМА
- Наталля Гайда: «Аперэта — мая любоў…»(недаступная спасылка)