Новыя вызначэнні СІ
Новыя вызначэнні СІ былі прыняты Міжнародным камітэтам мер і ваг у рэзалюцыі XXVI Генеральнай канферэнцыі мер і ваг 16 лістапада 2018 года. У рэзалюцыі перафармуляваныя вызначэнні асноўных адзінак СІ[1]. Новыя вызначэнні СІ набудуць моц 20 мая 2019[2].
Сутнасць змен: «7 асноўных адзінак вымярэння — секунда, метр, кілаграм, ампер, кельвін, моль і кандэла — застануцца. З іх кілаграм, ампер, кельвін і моль будуць перафармуляваны ў сваіх вызначэннях з выкарыстаннем лікавых значэнняў пастаянных Планка і Больцмана, элементарнага электрычнага зарада і ліку Авагадра. Секунда, метр і кандэла ўжо выражаны праз канстанты, таму іх вызначэнні трэба будзе толькі ўдакладніць. Гэтыя змены палепшаць СІ, не змяніўшы велічыні адзінак, што забяспечыць сумяшчальнасць з існуючымі вымярэннямі»[3].
Новая СІ задзейнічае фундаментальныя фізічныя пастаянныя як аснову для вызначэння асноўных адзінак СІ, што, напрыклад, азначае канец выкарыстання плаціна-ірыдыявага эталона кілаграма для афіцыйнага вызначэння кілаграма ў сістэме СІ.
Новыя вызначэнні
Паводле новых вызначэнняў кілаграм, ампер, кельвін, і моль перавызначаны на аснове пастаяннай Планка, элементарнага электрычнага зарада, пастаяннай Больцмана і ліку Авагадра адпаведна, такім чынам, каб[4]:
- пастаянная Планка h дакладна роўная 6,626 070 15×10−34 кг·м−2·с−1;
- элементарны электрычны зарад e дакладна роўны 1,602 176 634×10−19 А·с;
- пастаянная Больцмана k дакладна роўная 1,380 649×10−23 Дж/К;
- лік Авагадра NA дакладна роўны 6,022 140 76×1023 моль−1.
Крытыка
Некаторыя аўтары з розных прычын крытыкуюць чаканую новую СІ, напрыклад, за разрыў сувязі паміж вызначэннем атамнай адзінкі масы з вызначэннямі кілаграма, моля і ліку Авагадра.
Гл. таксама
- CODATA
- Гісторыя метрычнай сістэмы
- NIST