Пасёлкі гарадскога тыпу Брэсцкай вобласці
У Рэспубліцы Беларусь крытэрыі аднясення населеных пунктаў да катэгорый устаноўлены Законам Рэспублікі Беларусь ад 5 мая 1998 г. № 154—З «Аб адміністрацыйна-тэрытарыяльным дзяленні і парадку вырашэння пытанняў адміністрацыйна-тэрытарыяльнага ўладкавання Рэспублікі Беларусь»[1].
Пасёлкі гарадскога тыпу падзяляюцца на наступныя катэгорыі:
- гарадскія пасёлкі — населеныя пункты з колькасцю насельніцтва больш за 2 тысячы чалавек, у якіх ёсць вытворчыя і камунальныя прадпрыемствы, сацыяльна-культурныя ўстановы, прадпрыемствы гандлю, грамадскага харчавання, бытавога абслугоўвання;
- курортныя пасёлкі — населеныя пункты з колькасцю насельніцтва не менш за 2 тысячы чалавек, на тэрыторыі якіх размешчаны санаторыі, дамы адпачынку, пансіянаты, іншыя аздараўленчыя ўстановы, прадпрыемствы гандлю, грамадскага харчавання і бытавога абслугоўвання насельніцтва, культурна-асветныя ўстановы;
- рабочыя пасёлкі — населеныя пункты з колькасцю насельніцтва не менш за 500 чалавек, размешчаныя пры вытворчых прадпрыемствах, электрастанцыях, будоўлях, чыгуначных станцыях і іншых аб'ектах.
Карта размяшчэння пасёлкаў гарадскога тыпу Брэсцкай вобласці
Пасёлкі гарадскога тыпу з насельніцтвам:
 | — 5 000 і больш | |
| | — ад 2 000 да 4 999 | |
| | — 1 999 і менш |
Чырвоным колерам пазначаны пасёлкі гарадскога тыпу, насельніцтва якіх змяншаецца.
Колькасць пасёлкаў гарадскога тыпу і іх жыхароў
На 14 кастрычніка 2009 года (перапіс насельніцтва) ў Брэсцкай вобласці Беларусі было 8 пасёлкаў гарадскога тыпу, cярод якіх 7 гарадскіх пасёлкаў і 1 рабочы пасёлак[2], у тым ліку:
| Насельніцтва | Паселішчаў | Паселішчаў у працэнтах | Жыхароў | Жыхароў у працэнтах |
|---|---|---|---|---|
| 5 000 і больш | 1 | 12,50 % | 6 280 | 27,18 % |
| ад 2 000 да 4 999 | 4 | 50,00 % | 11 942 | 51,69 % |
| 1 999 і менш | 3 | 37,50 % | 4 881 | 21,13 % |
| Сума | 8 | 100,00 % | 23 103 | 100,00 % |
На 1 студзеня 2017 года іх колькасць была тая ж самая[3].
Спіс пасёлкаў гарадскога тыпу Брэсцкай вобласці
Назвы лацінкай у спісе прыводзяцца адпаведна з афіцыйнымі правіламі транслітарацыі[4][5].
| № | Герб | Назва кірыліцай | Назва лацінкай | Статус | Раён | Колькасць жыхароў (перапіс, 2009) | Колькасць жыхароў (ацэнка, 2017) | Змена (2017 да 2009) |
|---|---|---|---|---|---|---|---|---|
| 1 | Рэчыца | Rečyca | рабочы пасёлак | Столінскі | 6 280 | 6 067 | −3,39 % | |
| 2 | Целяханы | Cieliachany | гарадскі пасёлак | Івацэвіцкі | 4 198 | 3 985 | −5,07 % | |
| 3 |  | Ружаны | Ružany | гарадскі пасёлак | Пружанскі | 3 153 | 3 023 | −4,12 % |
| 4 | Гарадзішча | Haradzišča | гарадскі пасёлак | Баранавіцкі | 2 219 | 2 024 | −8,79 % | |
| 5 |  | Лагішын | Lahišyn | гарадскі пасёлак | Пінскі | 2 372 | 1 990 | −16,10 % |
| 6 |  | Шарашова | Šarašova | гарадскі пасёлак | Пружанскі | 1 889 | 1 759 | −6,88 % |
| 7 | Антопаль | Antopaĺ | гарадскі пасёлак | Драгічынскі | 1 687 | 1 394 | −17,37 % | |
| 8 | Дамачава | Damačava | гарадскі пасёлак | Брэсцкі | 1 305 | 1 222 | −6,36 % |
.jpg)
