Рэзалюцыя Генеральнай Асамблеі ААН ES-11/5

Рэзалюцыя Генеральнай Асамблеі ААН ES-11/5 "Садзейнічанне ажыццяўленню прававой абароны і забеспячэнню пакрыцця ўрону ў сувязі з агрэсіяй супраць Украіны» — рэзалюцыя адзінаццатай надзвычайнай спецыяльнай сесіі Генеральнай Асамблеі Арганізацыі Аб'яднаных Нацый (ГА ААН), прынята 14 лістапада 2022 года.

Суаўтарамі рэзалюцыі выступілі 46 краін^[1]. У рэзалюцыі Генеральная Асамблея ААН прызнала, што Расійская Федэрацыя павінна быць прыцягнута да адказнасці за любыя парушэнні міжнароднага права ва Украіне ці супраць Украіны і што яна павінна несці прававыя наступствы ўсіх сваіх міжнародна-супрацьпраўных дзеянняў, у тым ліку пакрыццё ўрону нанесенага такімі дзеяннямі. Рэзалюцыя рэкамендавала стварыць дзяржавам прадстаўнікам міжнародны рэестр урону ў супрацоўніцтве з Украінай. Рэзалюцыя была прынятая пры 94 галасах за, 14 супраць і 73 тых, хто ўстрымаўся^[2]. Гэтая рэзалюцыя атрымала амаль такую ж падтрымку, як і трэцяя рэзалюцыя, якая прыпыніла членства Расіі ў Савеце ААН па правах чалавека.