Сон Джун Кі
Сон Джун Кі (кар.: 송중기, ханча: 宋仲基; нар. 19 верасня 1985, Тэджон, Паўднёвая Карэя) — паўднёвакарэйскі актор. Ён набыў вядомасць пасля здымак гістарычнай драмы «Буза ў Сангюнгване» (2010) ды ўдзела ў шоу «Бягун» (2010–2011) у якасці аднаго з першых удзельнікаў. З таго моманту ён зняўся ў шэрагу разнастайных тэлесерыялаў: «Нявіннік» (2012), «Нашчадкі сонца» (2016), «Хронік Асадалю» (2019), «Вінчэнца» (2021) ды «Малодшы сын заможнае сям'і» (2022), — а таксама ў фільмах «Хлопец-пярэварацень» (2012), «Прымежны востраў Кунхам» (2017) і «Касмічныя чысцільшчыкі» (2021).
| Сон Джун Кі | |
|---|---|
| кар.: 송중기 | |
 Сон Джун Кі ў 2016 годзе | |
| Дата нараджэння | 19 верасня 1985 (38 гадоў) |
| Месца нараджэння | Дон-гу, Тэджон, Паўднёвая Карэя |
| Грамадзянства |  Рэспубліка Карэя |
| Жонка | |
| Адукацыя | Універсітэт Сонгюнгван |
| Месца працы | HighZium Studio |
| Прафесія | актор |
| Кар’ера | 2008–дагэтуль |
| IMDb | ID 3609366 |
| highziumstudio.com/artis… | |
 Медыяфайлы на Вікісховішчы | |
Сон выграў намінацыю «Актор года» на прэміі Gallup Korea's Television у 2012[2] ды 2017 гадах[3]. Ён быў упершыню ўключаны ў спіс Forbes Korea Power Celebrity у 2013 годзе, заняўшы сёмае месца[4], пасля стаўшы другім у 2017 ды зноў сёмым у 2018 годзе[5]. Вялікі поспех ягоных фільмаў і тэлесерыялаў па ўсім свеце дазволіў яму заняць месца сярод топавых зорак Халю у карэйскай забаўляльнай індустрыі[6].
Дзяцінства ды адукацыя
Сон Джун Кі нарадзіўся другім з трох дзяцей у сям'і і быў выхаваны ў сялянскай мясцовасці побач Тэджона[7]. Ён удзельнічаў у хуткасным бегу на каньках на кароткай дарожцы (таксама вядомым як шорт-трэк)[8] і быў прадстаўніком роднага горада Тэджона на нацыянальным узроўні; гэта дазволіла яму выкшталцона зыграць ролю ўдзельніка нацыянальнай зборнай у тэлесерыяле «Тройка»[9][10].
Асабістае жыццё
Адносіны
5 ліпеня 2017 года Сон Джун Кі ды ягоная калега па серыяле «Нашчадкі сонца» Сон Хе Кё абвясцілі праз свае агенцтвы, што яны заручаныя[11][12][13]. Яны пабраліся на прыватнай цырымоніі 31 кастрычніка 2017 года ў Ёнбінване, гатэлі Шылла ў Сеуле, на фоне інтэнсіўнай цікавасці СМІ па ўсёй Азіі. На цырымоніі прысутнічалі толькі самая блізкая сям'я ды сябры пары[14][15][16][17]. 26 чэрвеня 2019 года акцёры абвясцілі пра роспуст шлюбу[18]; працэс быў скончаны ў ліпню 2019[19].
26 снежня 2022 года было абвешчана, што Сон Джун Кі знаходзіцца ў стасунках з брытанскай дзяўчынай, якая не з'яўляецца знакамітасцю[20] 30 студзеня 2023 года Сон Джун Кі абвясціў праз сваё фан-кафэ, што ён ажаніўся са сваёй дзяўчынай, якой аказалася Кэці Луіз Сондерс, былая брытанская актрыса[21], а таксама, што яна цяжарная іх пешым дзіцём[22].