Сугваздаўскі сельсавет
Су́гваздаўскі сельсавет — былая адміністрацыйна-тэрытарыяльная адзінка ў складзе Валожынскага раёна Мінскай вобласці. Цэнтр — вёска Сугвазды.
| Сугваздаўскі сельсавет | |
|---|---|
| Краіна |  Беларусь |
| Уваходзіць у | Валожынскі раён |
| Уключае | 21 населены пункт |
| Адміністрацыйны цэнтр | Сугвазды |
| Дата ўтварэння | 12 кастрычніка 1940 |
| Дата скасавання | 30 кастрычніка 2009 |
| Насельніцтва (2009) | 612 |
| Часавы пояс | UTC+03:00 |
| Код аўтам. нумароў | 5 |
Утвораны 12 кастрычніка 1940 года ў складзе Валожынскага раёна Баранавіцкай вобласці БССР. З 20 верасня 1944 года ў складзе Маладзечанскай вобласці. 16 ліпеня 1954 года ў склад Хоўхлаўскага сельсавета Маладзечанскага раёна перададзена вёска Пекары[1]. З 20 студзеня 1960 года ў складзе Мінскай вобласці. З 25 снежня 1962 года па 6 студзеня 1965 года ў складзе Маладзечанскага раёна. Скасаваны 30 кастрычніка 2009 года, тэрыторыя далучана да Дорскага сельсавета[2].
Насельніцтва сельсавета паводле перапісу 2009 года — 612 чалавек[3], з іх 96,1 % — беларусы[4].
На момант скасавання ў склад сельсавета ўваходзіў 21 населены пункт: Адамполе, Александрова, Батуркі, Білуці, Будраўшчына, Бярава, Даманоўшчына, Есьманы, Захажэва, Камароўка, Клерымонты, Ласокіна, Леснікі, Лужаны, Мяжэйкі, Навасады, Паліксаўшчына, Родзеўшчына, Седлішча, Сугвазды, Цябуты.
Зноскі
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.