Luskad ar stadoù distag diouzh ar bloc'hoù
Luskad ar stadoù distag diouzh ar bloc'hoù (diwar skouer an alamaneg) pe Luskad ar broioù didu[1] zo ur forom a 120 stad ha n'emaint ket a-du gant pe a-enep unan eus ar bloc'hoù galloud. Goude Aozadur ar Broadoù Unanet ez eo ar brasañ strollad stadoù er bed[2][3]
Deiziad krouiñ | 1 Gwe 1955 |
---|---|
Prezidant | Nicolás Maduro |
Sez sokial | Jakarta kreiskêr |
Kregiñ a reas al luskad goude Brezel Korea, evel ur striv a-berzh broioù zo da gempouezañ disparti prim ar bed e-pad ar Brezel yen, ma oa savet bloc'hoù disheñvel gant daou c'halloud bras a loc'he ur politikerezh da sachañ ar peurrest eus ar bed en unan eus ar c'hampoù. An URSS e oa ar c'hentañ anezhe, e penn ar bloc'h komunour hag e hini Pakt Varsovia, hag egile e oa strollad ar stadoù kapitalour a-du gant Stadoù-Unanet Amerika, en o zouez kalz izili eus Aozadur ar Feur-emglev Norzh-Atlantel. E 1961, hervez ar pennaennoù divizet e Kuzuliadeg Bandung e 1955, e oa diazezet Luskad ar stadoù distag en un doare fetis e Beograd, e Yougoslavia, war atiz prezidant Yougoslavia, Tito, kentañ ministr India, Jawaharlal Nehru, prezidant Egipt, Gamal Abdel Nasser, prezidant Ghana, Kwame Nkrumah, ha prezidant Indonezia, Sukarno[4][5][6]
Heuliet e voe gant Kentañ emvod ar pennoù stad eus Luskad ar broioù distag diouzh ar bloc'hoù[7]. An droienn non-aligned movement a anadas da gentañ da vare ar bempvet emvod e 1976. Ar broioù a gemere perzh en emvod a voe disklêriet "izili al luskad". Termenet e voe pal an aozadur gant Fidel Castro en e zisklêriadenn en Havana e 1979 : asuriñ "an dizalc'hded vroadel, ar riegezh, anterinder an tiriad ha surentez ar broioù distag diouzh ar bloc'hoù" en o "stourm a-enep an impalaerouriezh, an drevadennouriezh, an nevez trevadennouriezh, ar ouennelouriezh, hag holl seurtoù tagadenn estren, dalc'herezh, mestroni, emelladenn pe hegemoniezh koulz hag a-enep politikerezh ar galloudoù bras hag ar bloc'hoù"[8][9].
Bodañ a ra al luskad tost an div drederenn eus izili ar Broadoù Unanet ha 55% eus poblañs ar bed. Un niver bras eus ar broioù en aozadur a vez sellet oute evel broioù o tiorren pe Stadoù eus an Trede bed, daoust ma'z eus ivez un niver a vroioù diorroet.
Kendalc'het en deus al luskad da vezañ oberiant a-hed ar brezel yen, daoust da veur a vrezel etre an izili, ha daoust da izili zo da ziorren liammoù startoc'h gant an URSS, Sina, pe ar Stadoù-Unanet. Abaoe diwezh ar Brezel yen, e 1992, en deus klasket al luskad diorren liammoù lieskostezel ha darempredoù koulz hag unaniezh etre ar broioù o tiorren, e-touez broioù ar Su dreist-holl.
Kuzuliadegoù
Kuzuliadeg pennoù Stad pe gouarnamant ar broioù distag eus ar bloc'hoù, a vez graet anv anezhi alies evel Kuzuliadeg luskad ar broioù didu eo an emvod pennañ eus al luskad ha dalc'het e vez bep an amzer :[10]
Deiziad | Bro degemer | Kêr degemer | Lugan | |
---|---|---|---|---|
1añ | 1–6 a viz Gwengolo 1961 | Yougoslavia | Beograd | |
2vet | 5–10 a viz Here 1964 | Egipt | Kaero | |
3de | 8–10 a viz Gwengolo 1970 | Zambia | Lusaka | |
4vet | 5–9 a viz Gwengolo 1973 | Aljeria | Aljer | |
5vet | 16–19 a viz Eost 1976 | Sri Lanka | Colombo | |
6vet | 3–9 a viz Gwengolo 1979 | Kuba | La Habana | |
7vet | 7–12 a viz Meurzh 1983 | India | New Delhi | |
8vet | 1–6 a viz Gwengolo 1986 | Zimbabwe | Harare | |
9vet | 4–7 a viz Gwengolo 1989 | Yougoslavia | Beograd | |
10vet | 1–6 a viz Gwengolo 1992 | Indonezia | Jakarta | |
11vet | 18–20 a viz Here 1995 | Kolombia | Cartagena | |
12vet | 2–3 a viz Gwengolo 1998 | Suafrika | Durban | |
13vet | 20–25 a viz C'hwevrer 2003 | Malaysia | Kuala Lumpur | |
14vet | 15–16 a viz Gwengolo 2006 | Kuba | La Habana | |
15vet | 11–16 a viz Gouere 2009 | Egipt | Charm el-Cheikh | Kengred etrebroadel evit ar peoc'h hag an diorroadur |
16vet | 26–31 a viz Eost 2012 | Iran | Tehran | Ar peoc'h padus dre ur gouarnamant hollek a-gevret |
17vet | 13–18 a viz Gwengolo 2016 | Venezuela | Porlamar | Peoc'h, riegezh ha kenskoazell evit an diorroadur |
18vet | 25–26 October 2019[11] | Azerbaidjan | Bakou | |
19vet | Dibenn 2023 | Ouganda[12] | - |
Kadoridi
Dilennet e vez ur c'hadoriad e pep kuzuliadeg[13]. Ar burev kenurzhiañ, diazezet ivez er Broadoù Unanet, eo ar benveg pennañ a dalvez da ren labour task forces, bodadoù ha strolladoù labour al luskad.
Skeudenn | Kadoriad | Bro a brezid ar guzuliadeg) | Strollad politikel | Eus | Da |
---|---|---|---|---|---|
Josip Broz Tito (1892–1980) | Yougoslavia | Kevre komunisted Yougoslavia | 1961 | 1964 | |
Gamal Abdel Nasser (1918–1970) | Patrom:Republik Arab Unanet | Unaniezh sokialour arab | 1964 | 1970 | |
Kenneth Kaunda (1924–2021) | Zambia | Strollad broadel nanet evit an dizalc'hiezh | 1970 | 1973 | |
Houari Boumediène (1932–1978) | Aljeria | Kuzul dispac'hel | 1973 | 1976 | |
William Gopallawa (1896–1981) | Sri Lanka | dizalcʼh | 1976 | 1978 | |
Junius Richard Jayewardene (1906–1996) | Strollad broadel unanet | 1978 | 1979 | ||
Fidel Castro (1926–2016) | Kuba | Strollad komunour Kuba | 1979 | 1983 | |
Neelam Sanjiva Reddy (1913–1996) | India | Strollad Janata | 1983 | ||
Zail Singh (1916–1994) | Kendalc'h broadel India | 1983 | 1986 | ||
Robert Mugabe (1924–2019) | Zimbabwe | ZANU-PF | 1986 | 1989 | |
Janez Drnovšek (1950–2008) | Yougoslavia | Kevre komunourien Yougoslavia | 1989 | 1990 | |
Borisav Jović (1928–2021) | Strollad sokialour Serbia | 1990 | 1991 | ||
Stjepan Mesić (ganet e 1934) | Unaniezh demokratek Kroatia | 1991 | |||
Branko Kostić (1939–2020) | Strollad demokratek sokialourien ar Montenegro | 1991 | 1992 | ||
Dobrica Ćosić (1921–2014) | Yougoslavia | Dizalc'h | 1992 | ||
Suharto (1921–2008) | Indonezia | Golkar | 1992 | 1995 | |
Ernesto Samper (ganet e 1950) | Kolombia | Strollad frankizour Kolombia | 1995 | 1998 | |
Andrés Pastrana Arango (ganet e 1954) | Strollad mirour Kolombia | 1998 | |||
Nelson Mandela (1918–2013) | Suafrika | Kendalc'h broadel afrikan | 1998 | 1999 | |
Thabo Mbeki (ganet e 1942) | 1999 | 2003 | |||
Mahathir Mohamad (ganet e 1925) | Malaysia | Aozadur broadel unanet Malaysia | 2003 | ||
Abdullah Ahmad Badawi (ganet e 1939) | 2003 | 2006 | |||
Fidel Castro[14] (1926–2016) | Kuba | Strollad komunour Kuba | 2006 | 2008 | |
Raúl Castro (ganet e 1931) | 2008 | 2009 | |||
Hosni Mubarak (1928–2020) | Egipt | Strollad broadel demoktratek | 2009 | 2011 | |
Mohamed Hussein Tantawi (1935–2021) | Dizalc'h | 2011 | 2012 | ||
Mohamed Morsi (1951–2019) | Strollad Frankiz ha Justis | 2012 | |||
Mahmoud Ahmadinejad (ganet e 1956) | Iran | Kevredad saverien Iran islamek | 2012 | 2013 | |
Hassan Rouhani (ganet e 1948) | Moderation and Development Party | 2013 | 2016 | ||
Nicolás Maduro (ganet e 1962) | Venezuela | Strollad sokialour unanet | 2016 | 2019 | |
Ilham Aliyev (ganet e 1961) | Azerbaidjan | Strollad Azerbaidjan nevez | 2019 | 2023 |