ئۆرگانیزمی تاکخانەیی

ئۆرگانیزمی تاکخانەیی یان ئۆرگانیزمی یەکخانەیی ئۆرگانیزمێکە لە یەک خانە پێک دێت، بە پێچەوانەی ئۆرگانیزمی فرەخانەیی کە لە گەلێک خانە پێک دێت. ئۆرگانیزمەکان بەسەر دوو پۆلی گشتیدا دابەش دەبن: ئۆرگانیزمە پرۆکاریۆتییەکان و ئۆرگانیزمە یووکاریۆتییەکان. گشت پرۆکاریۆتەکان تاکخانەیین و بۆ بەکتریاکان و کۆنەکان پۆلێن دەکرێن. زۆرێک لە یووکاریۆتەکان فرەخانەیین، بەڵام ھەندێکیان تاکخانەیین وەکوو سەرەتایی، قەوزەی تاکخانەیی، و کوارگی تاکخانەیی. ئۆرگانیزمی تاکخانەیی بە کۆنترین شێوەی ژیان دادەنرێت، بە جۆرێک کە ڕەنگە پرۆتۆسێڵە سەرەتایییەکان ٣٫٨–٤٫٠ ملیار ساڵ لەمەوپێش سەریان ھەڵدابێت.^[١][٢]