ھەوابڕ
ھەوابڕەکان (بە ئینگلیزی: Skyscraper) بریتین لە بینایەک کە لانی کەم ٤٠ نھۆمیان ھەیە و بەرزییان زیاتر لە ١٥٠ مەتر دەبێت. بەرزی لانیکەم ١٥٠ مەتر وەک پێوەرێک بۆ پێناسەکردنی ھەوابڕەکان بەکاردەھێنرێت. بینا بەرزەکان کە بەرزییان کەمترە لە ١٥٠ مەتر پێیان دەوترێت بینای بەرز.
| هەوابڕ | |
|---|---|
 | |
| لقی | high-rise building |
ئەم زاراوەیە بۆ یەکەمجار لە کۆتایی سەدەی نۆزدەھەمدا بۆ بینا بەرزەکان لە شارەکانی شیکاگۆ و نیویۆرک بەکارھاتووە. لەسەرەتادا مۆڵەتی دروستکردنی ھەوابڕەکان لە شیکاگۆ دەرچوو؛ بەڵام لە ساڵی ١٨٩٢دا دروستکردنی ھەوابڕەکان لە سەرووی ١٥٠ پێ (٤٦ m) ڕاگیرا؛ بەڵام ئەم سنووردارکردنە لە نیویۆرک جێبەجێ نەکرا؛ بۆیە تا سەرەتای سەدەی بیستەم ئەم شارە پڕ بوو لە ھەوابڕەکان.[١] دواتر لەگەڵ پێشکەوتنی تەکنۆلۆژیا و ئەندازیاریدا، مێژوونووسانی تەلارسازی ڕەتیانکردەوە ئەم زاراوەیە بۆ باڵەخانە بەرزەکانی خشت بەکاربھێنن و تەنھا بۆ باڵەخانە بەرزەکان کە چوارچێوەی پۆڵایان لەسەر بوو بەکاریان دەھێنا.[٢]
سەرچاوەکان
- بەشداربووانی ویکیپیدیا، «Skyscraper»، ویکیپیدیای ئینگلیزی. سەردان لە ٤ی تشرینی یەکەمی ٢٠٢٣.
