Voyager 1
Mae Voyager 1 sy'n pwyso 722-kilogram (1,592 pwys) yn chwiliedydd gofod a lawnsiwyd gan NASA o Ganolfan Ofod, Kennedy, Fflorida ar 5 Medi 1977 ar berwyl i hedfan heibio'r planedau Iau a Sadwrn. Gyda chwiliedydd arall, Voyager 2, roedd Voyager 1[1] yn gyfrifol am dynnu'r lluniau gorau o'r planedau a'u lloerennau ac yn sgil y lluniau hyn, darganfuwyd llosgfynyddoedd ar Io, a gwnaethpwyd y mesuriadau mwyaf manwl o awyrgylch y lloeren Titan gan y ddau chwiliedydd. Ar hyn o bryd mae Voyager 1 ar ei ffordd allan o Gysawd yr Haul trwy wregys Kuiper a hi yw'r roced sydd wedi teithio bellaf o'r Ddaear erioed.[2][3]
 | |
| Enghraifft o'r canlynol | chwiliedydd gofod  |
|---|---|
| Màs | 815 cilogram, 733 cilogram |
| Gwlad | Unol Daleithiau America |
| Rhan o | Rhaglen Voyager |
| Olynwyd gan | Voyager 2 |
| Gweithredwr | NASA |
| Gwneuthurwr | Labordy Propulsion Jet |
| Pellter o'r Ddaear | 155.653 uned seryddol |
| Gwefan | http://voyager.jpl.nasa.gov |
 Ffeiliau perthnasol ar Gomin Wicimedia | |
Record Aur
Cariodd y roced (fel Voyager 2 o'i blaen) record aur yn llawn o wybodaeth rhag ofn o fodau arallfydol ddod ar ei thraws. Ar y ddisg roedd lluniau o'r Ddaear, anifeiliaid, gwybodaeth gwyddonol a chyfarchion mewn amryw o ieithoedd gan gynnwys y Gymraeg: (Iechyd da i chwi yn awr, ac i'r oesoedd)[4]. Cynhwyswyd arni hefyd synau gwahanol: morfilod, plentyn yn crio, tonnau'r môr ac yn y blaen.
