Robin Williams

Miranduléś

C'l artìcul chè 'l è scrit inMiranduléś

Robin McLaurin Williams (Chicago, 21 ad Luj dal 1951 – Paradise Cay, 11 'd Agóst dal 2014), cgnusû méj cuma Robin Williams, 'l è stâ 'n atōr, còmig, ardupiadōr, e prudutōr americàṅ.

'L è dvintâ famóś specialmènt p'r al rōl d'l aglièṅ Mork in Mork & Mindy (1978-1982) par pò butàr-'s in dal mónd dal cìnema in du 'l à purtâ a cà 'n Prèmi Òscar in dal 1998, a la quàrta nomination, cuma atōr minga prutagunìsta par Will Hunting - Genio ribelle ad Gus Van Sant ólt'r a siē Golden Globe.

'L éra bòṅ ad dascór'r in ingléś, rus, tedésc, francéś e spagnōl.

Biugrafìa

La sò caréra la ciàpa 'l vōl in dal 1977 quànd Garry Marshall al gh śibìs la part ad Mork, 'l aglièṅ dimóndi gustóś dla série televiśìva Mork & Mindy, spin-off 'd Happy Days. La sò manéra 'd salutàr, faghénd Na-no Na-no cun la maṅ, l'armàgn in dla mènt ad migliòṅ ad spetadōr ad tut al mónd.

Al prim rōl impurtànt p'r al cìnema 'l è qvél ad Bras ad Fèr in dal film Popeye - Braccio di Ferro ad Robert Altman (1980). In dal 1982 al gira insém a la Glenn Close Il mondo secondo Garp ma 'l sucès a riva dabòṅ in dal 1987 cun Good Morning, Vietnam ad Barry Levinson in du 'l fà 'l militàr deejay Adrian Cronauer impgnâ in Vietnam. Al n vins minga 'l Prèmi Òscar, anc s'l è candidâ, ma almànc al s mét in bisàca 'n Golden Globe.

In dal 1989 Peter Weir 'l al sarnìs par la part dal prufesōr rivulusiunàri John Keating in L'attimo fuggente e anc chè al và davśèṅ a 'l Prèmi Òscar. Cal prèmi chè al riva par lò in dal 1998 p'r al film Will Hunting - Genio ribelle dòp che Williams 'l à laurâ anc par Kenneth Branagh (L'altro delitto), Steven Spielberg (Hook - Capitan Uncino), Chris Columbus (Mrs. Doubtfire - Mammo per sempre) e Woody Allen (Harry a pezzi).

In di an Dumìla al gira soquànt thriller cuma One Hour Photo, Insomnia ad Christopher Nolan e Una voce nella notte.

Malâ da cal témp, al vin catâ mort 'l 11 'd agòst dal 2014 ch'l ìva cumpî i 63 an al mēś prìma. I 'l ìven catâ sofocâ cun na sintùra.

Filmugrafìa

1977 - Il film più pazzo del mondo (Can I do 'Till I Need Glasses?), regìa 'd I. Robert Levy
1980 - Popeye - Braccio di Ferro (Popeye), regìa ad Robert Altman
1982 - Il mondo secondo Garp (The World According to Garp), regìa ad George Roy Hill
1983 - Come ti ammazzo un killer (The survivors), regìa ad Michael Ritchie
1984 - Mosca a New York (Moscow on the Hudson), regìa ad Paul Mazursky
1986 - Tempi migliori (The Best of Times), regìa ad Roger Spottiswoode
1986 - Club Paradise, regìa 'd Harold Ramis
1986 - Seize the Day, regìa ad Fielder Cook
1987 - Good Morning, Vietnam, regìa ad Barry Levinson
1988 - Le avventure del barone di Münchausen (The Adventures of Baron Munchausen), regìa ad Terry Gilliam
1988 - Portrait of a White Marriage, regìa ad Harry Shearer - camèo
1989 - L'attimo fuggente (Dead Poets Society), regìa ad Peter Weir
1990 - Cadillac Man - Mister occasionissima (Cadillac Man), regìa ad Roger Donaldson
1990 - Risvegli (Awakenings), regìa ad Penny Marshall
1991 - Shakes the Clown, regìa ad Bobcat Goldthwait - camèo
1991 - L'altro delitto (Dead Again), regìa ad Kenneth Branagh
1991 - La leggenda del re pescatore (The Fisher King), regìa ad Terry Gilliam
1991 - Hook - Capitan Uncino (Hook), regìa ad Steven Spielberg
1992 - Toys - Giocattoli (Toys), regìa ad Barry Levinson
1993 - Mrs. Doubtfire - Mammo per sempre (Mrs. Doubtfire), regìa ad Chris Columbus
1994 - Le cinque vite di Hector (Being Human), regìa ad Bill Forsyth
1995 - Nine Months - Imprevisti d'amore (Nine Months), regìa ad Chris Columbus
1995 - A Wong Foo, grazie di tutto! Julie Newmar (To Wong Foo Thanks for Everything, Julie Newmar), regìa ad Beeban Kidron - camèo
1995 - Jumanji, regìa ad Joe Johnston
1996 - Piume di struzzo (The Birdcage), regìa ad Mike Nichols
1996 - Jack, regìa ad Francis Ford Coppola
1996 - L'agente segreto (The Secret Agent), regìa ad Christopher Hampton - camèo
1996 - Hamlet, regìa ad Kenneth Branagh
1997 - Due padri di troppo (Fathers' Day), regìa 'd Ivan Reitman
1997 - Harry a pezzi (Deconstructing Harry), regìa ad Woody Allen
1997 - Flubber - Un professore tra le nuvole (Flubber), regìa ad Les Mayfield
1997 - Will Hunting - Genio ribelle (Good Will Hunting), regìa ad Gus Van Sant
1998 - Al di là dei sogni (What Dreams May Come), regìa ad Vincent Ward
1998 - Patch Adams, regìa ad Tom Shadyac
1999 - Jakob il bugiardo (Jakob the Liar), regìa ad Peter Kassovitz
1999 - L'uomo bicentenario (Bicentennial Man), regìa ad Chris Columbus
2002 - One Hour Photo, regìa ad Mark Romanek
2002 - Eliminate Smoochy (Death to Smoochy), regìa ad Danny DeVito
2002 - Insomnia, regìa ad Christopher Nolan
2004 - The Final Cut, regìa 'd Omar Naim
2004 - House of D, regìa ad David Duchovny
2004 - Un amore sotto l'albero (Noel), regìa ad Chazz Palminteri - camèo
2005 - The Big White, regìa ad Mark Mylod
2006 - Una voce nella notte (The Night Listener), regìa ad Patrick Stettner
2006 - Vita da camper (RV), regìa ad Barry Sonnenfeld
2006 - L'uomo dell'anno (Man of the Year), regìa ad Barry Levinson
2006 - Una notte al museo (Night at the Museum), regìa ad Shawn Levy
2007 - Licenza di matrimonio (License to Wed), regìa ad Ken Kwapis
2007 - La musica nel cuore - August Rush (August Rush), regìa dla Kirsten Sheridan
2009 - Shrink, regìa ad Jonas Pate
2009 - Il papà migliore del mondo (World's Greatest Dad), regìa ad Bobcat Goldthwait
2009 - Una notte al museo 2 - La fuga, regìa ad Shawn Levy
2009 - Daddy Sitter (Old dogs), regìa ad Walt Becker
2013 - Big Wedding (The Big Wedding), regìa ad Justin Zackham
2013 - The Butler - Un maggiordomo alla Casa Bianca (The Butler), regìa ad Lee Daniels
2013 - The Face of Love, regìa 'd Arie Posin
2013 - The Zero Theorem, regìa ad Terry Gilliam - camèo
2014 - 90 minuti a New York (The Angriest Man in Brooklyn), regìa ad Phil Alden Robinson
2014 - Natale con i tuoi (Merry Friggin' Christmas), regìa ad Tristram Shapeero
2014 - Notte al museo - Il segreto del faraone (Night at the Museum: Secret of the Tomb), regìa ad Shawn Levy
2014 - Boulevard, regìa ad Dito Montiel

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su Robin Williams
Wikimedia Commons contiene file multimediali su Robin Williams