Nor naizenJosune Igoa Frantxes naiz, Iruñean jaio nintzen 1958ko abenduaren 24ean. Artean Bertizen bizi ginen eta bost urte nituenean aitatxi-amatxiren etxera eraman ninduten, Azpilkuetara, han eskolara joatea errazagoa zelako. Nire familia Irunera joan zen aitaren lanagatik eta hamar urte nituenean neu ere bertara joan eta Pio Baroja Institutuan[1] egin nuen Batxilerra. Hamasei urterekin hasi nituen irakasle izateko ikasketak eta bitartean ikaskideen artean antolatutako euskara eskolatan alfabetatu nintzen. 1978an hasi nintzen lanean Getariko Herri Eskolan[2] eta ondorengo urtetan hezkuntza eta hizkuntzarekin zerikusia duten lan ezberdinetan aritu naiz.
|  | Lankide hau jubilatu da baina ez da erretiratu. |
|
|
|---|
Zer egiten dudan2019an jubilatu nintzen... baina ez naiz erretiratu, jubilatu ondoren ordutegi malguarekin eta gustuko lanak bakarrik egiten ditut: - Lartaun Abesbatzan kantatzen dut, kontralto taldean, badakizue beste ahotsek melodia kantatzen duten bitartean sostenituz, bemolez eta erritmo aldaketez betetako zatia kantatu behar dutenak.
- Mintzanet egitasmoan parte hartu dut Bidelagun bezala.
- Irratia eskolan erabiltzeko materiala bildu eta sailkatu ondoren Eskola Irratia sitean[3] gunean behar duenaren esku jarri ditut.
- Oiartzungo WikiEmakumeok proiektuan parte hartzen dut sarrerak sortuz, hobetuz eta, batez ere, itzulpenak eginez.
| |
