Catarina
Catarina[1][2] é un nome propio feminino de orixe grega (Αἰκατερίνα, de katharós 'puro', co significado de 'pura', 'inmaculada', 'graciosa') na súa variante en lingua galega. Acepta as variantes: Caterina, Cateliña, Cataliña, Catalina. Tamén existe a variante Catuxa, moi documentada[3] e usada tamén como diminutivo. É popular nos países cristiáns, xa que foi o nome dunha das primeiras santas cristiás, Catarina de Alexandría.
(Museo Nacional de Arte de Acerbaixán.)
A forma Catarina é tamén a forma común do nome en portugués, occitano e italiano[4].
Orixe e sinificado
O nome provén do grego Αἰκατερίνα ou Αἰκατερίνη (Aikaterina, Aikaterinē), de etimiloxía descoñecida. A primeira referencia de uso do nome é a de Santa Catarina de Alexandría. A teoría de que o nome vén de Hécate, nome da deusa grega da maxia, disque é improbábel[5].
O nome asóciase tamén co adxectivo grego καθαρός (katharos), que significa "puro", que leva á escritura das variantes inglesas do nome Katharine (máis frecuente nos Estados Unidos) e Katherine (máis corrente en Gran Bretaña)[6]. A forma cun e no medio (Caterina) documéntase tamén en galego.
O nome en Galiza
Existen tres parroquias en Galiza onde Santa Catarina é padroa, unha delas coa variante do nome Catalina (véxase: Categoría:Parroquias de Galicia baixo a advocación de santa Catarina e Categoría:Parroquias de Galicia baixo a advocación de santa Catalina).
Santa Catalina é tamén o nome de senllos lugares en Godos (Caldas de Reis) e Buño (Malpica de Bergantiños). Ademais, Santa Cateliña é un lugar da parroquia do Mundil (Cartelle); e Santa Cataliña é un lugar da parroquia de Tal (Muros).
En xaneiro de 2016, 147 mulleres levaban o nome de Catarina en Galiza[7]. A variante Catuxa lévana 65 mulleres en Galiza[8].
Santoral
Diminutivos
- Galego: Catuxa, Cata, Catia.
- Inglés[9]: Katie, Katy, Kate, Kathy, Kathe, Kath, Kay, Kat, Katya, Katyusha, Kitty, Kit, Kasia, Kaya, Kaká, Kah, Kee e outros.
Variantes noutras linguas
| Variantes noutras linguas | |
|---|---|
| Albanés | Katrina |
| Alemán | Katharina |
| Bretón | Katell |
| Búlgaro | Екатерина (Ekaterina) |
| Castelán | Catalina, Katia, Karen, Catina |
| Catalán | Caterina |
| Checo | Kateřina |
| Croata | Katarina |
| Dinamarqués | Katharina |
| Eslovaco | Katarína |
| Esloveno | Ekaterina |
| Estoniano | Katariina |
| Éuscaro | Katarin, Katalin, Katixa |
| Finlandés | Katariina |
| Francés | Catherine |
| Galego | Catarina, Catuxa |
| Grego | Αικατερίνη (Aikaterínê) |
| Holandés | Catharina, Katrijn |
| Húngaro | Katarina, Katalin |
| Inglés | Katherine, Catherine, Karen, Katie |
| Irlandés | Caitríona, Caitrín, Catraoine, Caitlín |
| Islandés | Katrín |
| Italiano | Caterina |
| Latín | Catharina |
| Letón | Katrīna |
| Lituano | Katerina |
| Noruegués | Katarina |
| Polaco | Katarzyna |
| Portugués | Catarina, Catalina |
| Romanés | Ecaterina, Catalina |
| Ruso | Екатерина (Yekaterina), Каренина (Karenina), Катя (Katya) |
| Sardo | Catalìna |
| Sueco | Katarina |
| Ucraíno | Катерина (Kateryna) |
| Xeorxiano | ეკატერინე (Ekaterine) |
Notas
Véxase tamén
Outros artigos
Bibliografía
- Montes Vicente, José María (2001). El libro de los Santos. Alianza, Madrid. ISBN 84-206-7203-3.
- Tibón, Gutierre (1994). Diccionario etimológico comparado de nombres propios de persona. Fondo de Cultura Económica, México. ISBN 968-16-2284-7.
- Yáñez Solana, Manuel (1995). El gran libro de los Nombres. M. E. Editores, Madrid. ISBN 84-495-0232-2.