Copa de Campións Xuvenil

Copa de Campións Xuvenil
Fundación	1986
Rexión	España
Equipos	7
Actual campión	Sevilla FC
Máis laureado	Real Madrid (8 títulos)
Organizador	RFEF
Sitio web	www.rfef.es

A Copa de Campións é o torneo equivalente á Liga pero para os menores de 19 anos (sub-19). A competición organízaa a Real Federación Española de Fútbol, sendo o Real Madrid o gran dominador da competición con 7 títulos desde que na tempada 1986-1987 se disputase por primeira vez a División de Honra de Xuvenís. Na tempada 1995-96 modifícase o formato da competición instaurándose a actual Copa de Campións.

O vixente campión da competición, na tempada 2012-2013, é o Sevilla FC.

Sistema de competición

Sistema actual: Copa de Campións

Este torneo dispútase en dúas fases. Na primeira de disputa a Liga de División de Honra de Xuvenís, entre 112 equipos que se atopan divididos en 7 grupos de 16 equipos cada un.

Os primeiros clasificados de cada grupo disputan a fase final nun terreo neutral. Ao ser un número impar de equipos na fase final (sete), divídense os clubs en dous grupos, un de 4 equipos e outro de 3 dos cales saen os dous clubs finalistas que se disputarán a Copa de Campións definitivamente. Este sistema instáurase na tempada 1995-96, sendo o Deportivo da Coruña o seu primeiro vencedor.

Sistema antigo: División de Honra

Desde a tempada 1986-87 ata a tempada 1994-95 dispútase este torneo mediante un sistema de Liga, similar ao actual da Liga. O primeiro clasificado era condecorado como Campión de Liga de División de Honra de Xuvenís, sendo o Real Madrid o seu primeiro vencedor e o Sevilla FC o último mediante este sistema.

Trofeo

O trofeo que se entrega ao club campión deste torneo é o mesmo que o que se entrega na Liga a nivel profesional, pero de menor tamaño. O trofeo queda en propiedade dun club se o gaña tres veces de forma consecutiva ou cinco de forma alterna.

Historial