Costa do Marfil nos Xogos Olímpicos

Costa do Marfil participou por vez primeira nos Xogos Olímpicos en 1964, participando dende entón en cada unha das edicións dos Xogos Olímpicos de Verán, agás en 1980 que non participou como parte do boicot liderado polos Estados Unidos de América. O país gañou a súa primeira medalla cunha prata nos 400 metros lisos masculinos nos Xogos de 1984. En 2016, o país gañou as súas primeiras medallas de ouro e de bronce en taekwondo. Costa do Marfil non participou nunca nos Xogos Olímpicos de Inverno.