Xogos Olímpicos de 2020
Os Xogos Olímpicos de 2020 (en xaponés: 2020年夏季オリンピック; Nisen Nijū-nen Kaki Orinpikku), chamados oficialmente Xogos da XXXII Olimpíada (en xaponés: 第三十二回オリンピック競技大会; Dai Sanjūni-kai Orinpikku Kyōgi Taikai), son un evento deportivo internacional celebrado dende o 23 de xullo de 2021 até o 8 de agosto de 2021 en Toquio, no Xapón, se ben algúns eventos preliminares tiveron lugar antes da cerimonia de apertura, os días 21 e 22 de xullo.
Toquio foi escollida como cidade sede dos Xogos durante a 125ª sesión do COI celebrada en Buenos Aires, na Arxentina, o 7 de setembro de 2013.[1] Orixinalmente previstos para se celebrar entre o 24 de xullo e o 9 de agosto de 2020, o evento foi adiado en marzo de 2020 por mor da pandemia de COVID-19, e celebrarase sen a presenza de espectadores presenciais e baixo estado de alarma.[a] Malia celebrarse finalmente en 2021, o evento mantén o nome de Toquio 2020 con propósitos comerciais.[2] É a primeira vez que os Xogos Olímpicos se aprazan e reprograman no canto de seren cancelados.[3] Os Xogos Paralímpicos celebraranse entre o 24 de agosto e o 5 de setembro de 2021, 16 días despois de rematar os Xogos Olímpicos.[4]
Os Xogos de 2020 son os cuartos que teñen o Xapón como sede, despois de Toquio 1964 (verán), Sapporo 1972 (inverno) e Nagano 1998 (inverno). Toquio era a sede dos Xogos Olímpicos de 1940 que se cancelaron en 1938 por mor da guerra. Toquio é a primeira cidade de Asia en ser a sede dos Xogos de Verán por segunda vez. Os Xogos de 2020 son o segundo evento olímpico consecutivo celebrado no leste de Asia, despois dos Xogos Olímpicos de Inverno de 2018 de Pyeongchang, en Corea do Sur e antes dos Xogos Olímpicos de Inverno de 2022 en Pequín, na China.
Nestes Xogos de 2020 introducíronse novas competicións, incluíndo o baloncesto 3x3 e o BMX freestyle, así como o regreso do ciclismo madison, o béisbol e o sóftbol. Baixo as novas políticas do COI, que permite ao comité organizador engadir novos deportes no programa olímpico e aumentar os eventos permanentes, estes Xogos contaron co karate, a escalada, o surf e a monopatinaxe por vez primeira.[5]
As Bermudas,[6] Filipinas[7] e Qatar[8] gañaron as súas primeiras medallas de ouro, e Burkina Faso, San Marino[9] e Turkmenistán gañaron a súa primeira medalla olímpica.[10] Os Estados Unidos conseguiron ocupar os primeiros postos no medalleiro, con 39 medallas de ouro e 113 en total, mentres que a China conseguiu o segundo posto nos dous aspectos. O país organizador, o Xapón acabou terceiro, conseguindo un récord en medallas de ouro e medallas totais en calquera participación nos Xogos Olímpicos. o Reino Unido acabou cuarto, cun total de 65 medallas. A delegación rusa, que competiu coas siglas ROC, acabou quinto.
Elección da cidade sede
O proceso de elección da cidade sede dos Xogos Olímpicos de 2020 transcorreu entre 2011 e 2013 e pechouse co anuncio da cidade polo presidente do Comité Olímpico Internacional, Jacques Rogge, o 7 de setembro de 2013 na cidade de Buenos Aires, Arxentina.
Seis cidades foron presentadas polos seus respectivos Comités Olímpicos Nacionais (CONs) para concorrer aos Xogos. Roma retirouse en febreiro de 2012 por falta de apoio gobernamental. As cidades aspirantes pertencían a dous continentes: Europa e Asia. En 2020 faríanse doce anos que os Xogos Olímpicos foron acollidos por unha cidade asiática (Pequín 2008). Toquio xa acolleu os Xogos Olímpicos de 1964. Foi a primeira vez en vinte anos que ningunha cidade de América entrou na disputa para acoller os Xogos. Bacú, Doha, Madrid e Toquio foron postulantes para a edición de 2016, que gañou a cidade do Río de Xaneiro.
Na elección celebrada o 7 de setembro, a cidade de Toquio foi a escollida para sede dos xogos, tras unha disputa final con Istambul, despois da eliminación de Madrid na rolda de desempate contra a cidade turca.[11]
Votación
125.ª Sesión do Comité Olímpico Internacional 7 de setembro de 2013, Buenos Aires, Arxentina[12] | ||||||
Cidade | País | Ronda 1 | Desempate[13] | Ronda 2 | ||
Toquio | Xapón | 42 | — | 60 | ||
Istambul | Turquía | 26 | 49 | 34 | ||
Madrid | España | 26 | 45 | — |
Adiamento
Debido á pandemia por coronavirus de 2019-2020, en marzo de 2020 o primeiro ministro xaponés, Shinzō Abe, comunicoulle ao presidente do Comité Olímpico Internacional (COI), Thomas Bach, o desexo do país anfitrión de adiar os Xogos. O COI accedeu á petición do goberno nipón e, nun comunicado conxunto, anunciaron o adiamento ao verán de 2021, mais mantendo o nome de "Xogos Olímpicos e Paralímpicos Toquio 2020".[14]
Os xogos
Cerimonia de apertura
- Artigo principal: Cerimonia de apertura dos Xogos Olímpicos de verán 2020.
A cerimonia de apertura celebrouse o 23 de xullo de 2021 no Estadio Olímpico de Toquio. Incluíu o tradicional "Desfile das Nacións". O emperador Naruhito abriu oficialmente os Xogos e, ao final do relevo de fachos olímpicos, acendeuse o caldeiro olímpico pola tenista xaponesa Naomi Osaka.[15]
Deportes
- Véxase tamén: Deportes olímpicos.
O consello executivo do COI aprobou o programa oficial dos Xogos Olímpicos de verán de 2020 o 9 de xuño de 2017. O presidente do COI, Thomas Bach, afirmou que o obxectivo dos Xogos Olímpicos de verán de Toquio era darlles un atractivo máis "xuvenil" e "urbano", e para aumentar o número de mulleres participantes.[16][17]
Os Xogos contaron con 339 eventos en 33 deportes diferentes, que englobaron un total de 50 disciplinas. Xunto aos cinco novos deportes introducidos en Toquio, tamén houbo quince novos eventos dentro dos deportes existentes, incluíndo baloncesto 3x3, BMX libre e o regreso do ciclismo madison, así como novos eventos mixtos en varios deportes.[18]
Na lista seguinte, o número de eventos en cada disciplina anótase entre parénteses.[18]
- Atletismo Total (48) = Homes (24)/Mulleres (23)/Mixtos (1)
- Bádminton Total (5) = homes (2) / mulleres (2) / mixtas (1)
- Béisbol e Softball
- Baseball Total (1) = Homes (1)
- Softball Total (1) = Mulleres (1)
- Baloncesto
- Balonmán Total (2) = Homes (1)/Mulleres (1)
- Boxeo Total (13) = Homes (8)/Mulleres (5)
- Ciclismo de competición
- Cilclismo en pista Total (12) = Homes (6)/Mulleres (6)
- BMX
- Ciclismo de montaña Total (2) = Homes (1)/Mulleres (1)
- Estrada Total (4) = Homes (2)/Mulleres (2)
- Escalada Total (2) = Homes (1)/Mulleres (1)
- Esgrima Total (12) = Homes (6)/Mulleres (6)
- Fútbol Total (2) = Homes (1)/Mulleres (1)
- Golf Total (2) = Homes (1)/Mulleres (1)
- Halterofilia Total (14) = Homes (7)/Mulleres (7)
- Hípica
- Hóckey Total (2) = Homes (1)/Mulleres (1)
- Judo Total (15) = Homes (7)/Mulleres (7)/Mixtos (1)
- Karate
- Loita
- Natación
- Natación en augas abertas Total (2) = Homes (1)/Mulleres (1)
- Natación Total (35) = Homes (17)/Mulleres (17)/Mixtos (1)
- Natación sincronizada Total (2) = Mulleres (2)
- Wáter-polo Total (2) = Homes (1)/Mulleres (1)
- Salto de trampolín Total (8) = Homes (4)/Mulleres (4)
- Péntatlon moderno Total (2) = Homes (1)/Mulleres (1)
- Piragüismo
- Piragüismo en augas tranquilas Total (12) = Homes (6)/Mulleres (6)
- Slálom (piragüismo) Total (4) = Homes (2)/Mulleres (2)
- Remo Total (14) = Homes (7)/Mulleres (7)
- Rugby
- Rugby a 7 Total (2) = Homes (1)/Mulleres (1)
- Skateboard Total (4) = Homes (2)/Mulleres (2)
- Surf Total (2) = Homes (1)/Mulleres (1)
- Taekwondo Total (8) = Homes (4)/Mulleres (4)
- Tenis Total (5) = Homes (2)/Mulleres (2)/Mixtos (1)
- Tenis de mesa Total (5) = Homes (2)/Mulleres (2)/Mixtos (1)
- Tiro Total (15) = Homes (6)/Mulleres (6)/Mixtos (3)
- Tiro con arco Total (5) = Homes (2)/Mulleres (2)/Mixtas (1)
- Tríatlon Total (3) = Homes (1)/Mulleres (1)/Mixtos (1)
- Vela Total (10) = Homes (5)/Mulleres (4)/Mixtos (1)
- Voleibol
- Voleibol praia Total (2) = Homes (1)/Mulleres (1)
- Voleibol Total (2) = Homes (1)/Mulleres (1)
- Ximnasia
- Ximnasia artística Total (14) = Homes (8)/Mulleres (6)
- Ximnasia rítmica Total (2) = Mulleres (2)
- Ximnasia en trampolín Total (2) = Homes (1)/Mulleres (1)
Participantes
Os Xogos Olímpicos de Toquio 2020 acolleu a 204 dos 205 comités olímpicos só Corea do Norte non participou no evento estival debido ao risco de covid-19, mentres que Rusia foi excluída en decembro polas súas trampas antidopaxe e os seus atletas competirán baixo unha bandeira neutral.
A República de Macedonia competiu baixo o nome provisional de "Antiga República Iugoslava de Macedonia" en todos os Xogos de Verán e Inverno desde o seu debut nos Xogos Olímpicos de verán de 1996 por mor da disputa do nome. As disputas do nome con Grecia remataron en 2018 coa sinatura do acordo Prespa, e o país pasou a denominarse oficialmente Macedonia do Norte en febreiro de 2019. O COI recoñeceu de novo o novo nome, aínda que o Comité Olímpico de Macedonia do Norte (NMOC) non se adoptou oficialmente ata febreiro de 2020. O NMOC enviou unha delegación aos Xogos Olímpicos de inverno de 2020 en xaneiro de 2020, pero os Xogos de Toquio son a primeira aparición de Macedonia do Norte nos Xogos Olímpicos de verán co seu novo nome.[19] Dende que competiu como Eswatini dez veces nos Xogos Olímpicos de verán e inverno, Eswatini debutou baixo ese nome despois do cambio de nome do país polo rei en 2018.[20]
O 9 de decembro de 2019, a Axencia Mundial Antidopaxe (AMA) prohibiu a Rusia practicar todos os deportes internacionais durante un período de catro anos, despois de que o goberno ruso manipulase os datos de laboratorio que proporcionara á AMA en xaneiro de 2019, como condición para a reintegración da Axencia Rusa Antidopaxe. Como resultado da prohibición, a AMA planeou permitir que os atletas rusos participasen nos Xogos Olímpicos de verán de 2020 baixo unha bandeira neutral, como se instigou nos Xogos Olímpicos de inverno de 2018, pero quedarían excluídos os deportes de equipo. Rusia presentou posteriormente unha apelación e despois de revisar o caso, o CAS decidiu o 17 de decembro de 2020 que se reducise a pena imposta a Rusia. En lugar dunha prohibición total de todos os eventos deportivos, a sentenza permitiu a Rusia participar nos Xogos Olímpicos e outros eventos internacionais, pero ao equipo non se lle permitiría usar o nome, a bandeira ou o himno ruso durante un período de dous anos e debe presentarse a si mesmos como "atleta neutral" ou "equipo neutral". O fallo permite que se mostre "Rusia" no uniforme do equipo, aínda que non debería ser máis visible que a designación "Atleta / equipo neutral", así como o uso das cores da bandeira rusa dentro do deseño do uniforme.[21]
O 19 de febreiro de 2021, anunciouse que Rusia competiría baixo o acrónimo "ROC" despois do nome do Comité Olímpico Ruso, aínda que o nome do propio comité non se podería empregar por completo para referirse á delegación. O equipo de ROC estaría representado pola bandeira do Comité Olímpico de Rusia.[22]
O 6 de abril de 2021, Corea do Norte anunciou que non participaría nos Xogos Olímpicos de verán de 2020 por problemas de COVID-19.[23] Isto marca a primeira ausencia de Corea do Norte dos Xogos Olímpicos de verán desde 1988.[24] O 21 xullo de 2021, Guinea anunciou que non enviaría a delegación aos Xogos Olímpicos de Toquio, supostamente por preocupacións da COVID-19, aínda que os medios de comunicación suxeriron que as consideracións financeiras puideron ser o verdadeiro factor motivador.[25] Guinea anulou a decisión e confirmou que participaría.[26]
Clasificáronse os equipos dos seguintes 205 comités olímpicos Nacionais e o equipo olímpico de refuxiados do COI.
Medalleiro
País organizador (Xapón)
Notas
- Referencias
Véxase tamén
Outros artigos
Ligazóns externas
- Páxina oficial Arquivado 03 de abril de 2015 en Wayback Machine. (en inglés)
- Páxina do COI - Toquio 2020 (en inglés)
- Comité Olímpico Xaponés (en xaponés)