Eduardo Sanches Maragoto
Eduardo Xesús Sanches Maragoto, coñecido como Eduardo Maragoto, nado no Barqueiro, Mañón, en 1976, é un filólogo galego[1] e profesor de lingua portuguesa na EOI de Santiago de Compostela[2]. Foi presidente da Associaçom Galega da Língua até o 9 de xullo de 2023, sendo substituído por Jon Amil.[3]
  | |
| Biografía | |
|---|---|
| Nacemento | 1976 (47/48 anos) O Barqueiro, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | filólogo , escritor |
| Empregador | Associaçom Galega da Língua |
| Membro de | |
| Lingua | Lingua galega |
   | |
Traxectoria
Pasou a infancia e a adolescencia en Feás, Cariño. Estudou Filoloxía Portuguesa na Universidade de Santiago de Compostela. Participa de forma activa no reintegracionismo, participou na fundación do Movimento Defesa da Língua e como parte do consello de redacción da publicación Novas da Galiza e do Portal Galego da Língua. En 2015 foi escollido presidente da Associaçom Galega da Língua,[4] recuncando na presidencia en 2019.[5] Desde 2017 colabora con canle de televisión Nós TV, onde presenta o programa "Galego de Todo o mundo, um programa de reflexom linguística para a Galiza e a Lusofonia".[6]
Obra
Libros
- Maragoto, Eduardo (2013). Como ser reintegracionista sen que a familia saiba. 30 leccións prácticas para aproximar o teu galego do portugués e non desobedecer a normativa oficial. Ponte Caldelas: Edicións do Cumio. p. 247. ISBN 84-8289-471-4.
- Sanches Maragoto, Eduardo; Castro Lopes, Mauricio; Peres Bieites, Beatriz (2007). Manual Galego de Língua e Estilo. Abrente Editora. p. 495. ISBN 978-84-87305-25-2.
Artigos
- Maragoto, Eduardo (17-2-2020). "Por que reaparece Carvalho Calero?". La Voz de Galicia. Consultado o 17-2-2020.
- Sanches Maragoto, Eduardo; Corredera Plaza, Antonio; Martín Galindo, José Luis (2015). Foro de debate sobre a CELRM (Santiago de Compostela, xuño 2017), ed. "Critérios para orientar a ortografia da língua do val de Xálima" (PDF). Consultado o 17-2-2020.[7][8]
Películas
- Maragoto, Eduardo; Aveledo, João; Vila Verde, Vanessa (2012). Em companhia da morte (filme). AGAL/Através Editora.
Gravado en Castro Laboreiro, de 29' de duración
[9][10] - Maragoto, Eduardo; Aveledo, João; Vila Verde, Vanessa (2010). Entre línguas (16:9) (filme). João Aveledo, Eduardo Maragoto e Vanessa Vila Verde. C 197-2010.
Gravado en Galicia, de 30' de duración