Gran Premio de Bélxica de 1956

Logo da primeira xornada de adestramentos do xoves, Fangio estaba na pole cun tempo de case 5 segundos máis rápido que Moss no segundo lugar. Estes tempos non se melloraron coas condicións de mollado do venres e as condicións de vento do sábado.

Estaba chovendo cando a carreira comezou, Fangio fixo unha mala saída e quedou no quinto lugar e Moss na cabeza. Pero na volta 3 Fangio xa estaba en segundo lugar, logo de pasar a Behra, Collins e a Castellotti. Na quinta volta xa ía líder e na volta 10 xa tiña unha vantaxe de 8 segundos sobre Moss, con Collins terceiro, nunha pista xa seca. Collins acadou o segundo lugar, cando Moss perdeu unha das rodas traseiras, no ascenso despois da ponte de Eau Rouge. Foi capaz de frear con seguridade e correr de volta a boxes e facerse cargo do coche de Perdisa. Retomou en sexto lugar, pero a unha volta dos líderes. Collins tomou o liderado definitivo cando Fangio perdeu a súa transmisión na volta 24. Unha dura batalla polo segundo posto entre Behra e Frere terminou cando o motor Behra comezou a fallar. Isto permitíulle a Moss acadar á terceira posición, despois de pasar a Schell anteriormente. Moss terminou a carreira cun ritmo vertixinoso, pero os dous líderes estaban demasiado lonxe para compensar a diferenza.

	Pos	Piloto	Puntos
8	1	Peter Collins	11
1	2	Stirling Moss	11
2	3	Jean Behra	10
2	4	Juan Manuel Fangio	9
1	5	Pat Flaherty	8

• Nota: Só as cinco primeiras posicións están na lista.

• Pole position: Juan Manuel Fangio - 4:09.8
• Volta rápida: Stirling Moss - 4:14.7
• Líderes por volta: Stirling Moss 4 voltas (1-4); Juan Manuel Fangio 19 voltas (5-23); Peter Collins 13 voltas (24-36).
• Unica aparición nun Gran premio para Piero Scotti.
• Derradeira aparición nun Gran Premio para: Paul Frère.
• Primeira vez: Peter Collins (vitoria e líder de volta); Harry Schell (puntos); Paul Frère (podio).
• Unidade compartida: Coche 34: Perdisa (13 voltas) e Moss (23 voltas).