Iñaki Sáez
José Ignacio Sáez Ruiz, coñecido como Iñaki Sáez, nado en Bilbao o 23 de abril de 1943, é un exfutbolista español e adestrador de fútbol. Xogaba de defensa e actualmente é o asesor técnico do Athletic Club. Durante a súa carreira como técnico foi seleccionador de España, tanto das súas categorías inferiores como da selección absoluta.
| Iñaki Sáez | |||
|---|---|---|---|
 | |||
| Información persoal | |||
| Nome | José Ignacio Sáez Ruiz | ||
| Nacemento | 23 de abril de 1943 (81 anos) | ||
| Lugar de nacemento | Bilbao | ||
| Posición | Defensa | ||
| Carreira sénior | |||
| Anos | Equipos | Aprs | (Gls) |
| 1958–1961 | San Vicente | ||
| 1961–1962 | Barakaldo | ||
| 1962–1974 | Athletic Club | 263 | (7) |
| Selección nacional | |||
| 1968 | España | 3 | (0) |
| Adestrador | |||
| 1975–1980 | Athletic Club (xuvenís) | ||
| 1980–1981 | Athletic Club | ||
| 1982–1986 | Bilbao Athletic | ||
| 1985–1986 | Athletic Club | ||
| 1988–1991 | Bilbao Athletic | ||
| 1990–1992 | Athletic Club | ||
| 1993–1994 | Las Palmas | ||
| 1995 | Las Palmas | ||
| 1995–1996 | Albacete | ||
| 1996–2002 | España sub-21 | ||
| 2002–2004 | España | ||
| 2004–2008 | España sub-21 | ||
| Partidos e goles só en liga doméstica. [ editar datos en Wikidata ] | |||
Traxectoria
Como futbolista
Iñaki Sáez comezou a súa traxectoria como futbolista na Unión Sport de San Vicente de onde pasou ao Barakaldo. En 1962 ficha polo Athletic Club, onde destaca como defensa. Ata que se retirou en 1974, xogou douscentos sesenta e dous partidos en liga e marcou sete goles co equipo vasco. Ademais gañou dúas copas do Xeneralísimo nas tempadas 1968-69, e a de 1973-74. En 1968 xogou a Eurocopa coa selección española.
Como adestrador
Estivo ligado a maior parte da súa primeira época ao Athletic Club, aínda que a maior parte das veces actuou como adestrador das categorías inferiores, ou como técnico da casa para substituír os adestradores do primeiro equipo cando eran cesados.
Os seus maiores éxitos chegaron coa selección española Sub-21, coa que gañou varios títulos; o cal levoulle a dirixir ao primeiro equipo da selección nacional durante dous anos, para posteriormente volver á categoría sub-21.
En 2008 anunciou a súa retirada dos bancos, sendo substituído no cargo de seleccionador Sub-21 por Juan Ramón López Caro.
Palmarés
Como futbolista
- Copa do Rei (2): 1969, 1973.
Como adestrador
- 1 Copa do Mundo sub-20 coa selección española (1999).
- 1 Eurocopa sub-21 coa selección española (1998).
- 1 Eurocopa sub-19 coa selección española (2002).
- 1 Medalla de Prata coa selección española nos Xogos Olímpicos de Sidney 2000.
- 3º Eurocopa sub-21 (2000)
- 3º Eurocopa sub-18 (1997)
Véxase tamén
Ligazóns externas
- Historial de Sáez en Primeira División (en castelán)
- Ficha de Sáez como xogador da Selección española (en castelán)
| Predecesor: José Antonio Camacho | Adestrador da Selección de fútbol de España 2002−2004 | Sucesor: Luis Aragonés |