Morte de George Floyd
A morte de George Floyd ocorreu o 25 de maio de 2020 na veciñanza de Powderhorn, na cidade de Minneapolis, Minnesota (Estados Unidos), como resultado do seu arresto por parte de catro policías locais. En poucos días, o feito xerou unha onda de indignación e protestas ao longo dos Estados Unidos en contra do racismo, a xenofobia e os abusos policiais cara a cidadáns de raza negra.
| Morte de George Floyd | |
|---|---|
.jpg) Mural en Berlín retratando o rostro de George Floyd. | |
| Tipo | Abuso policial |
| País |  Estados Unidos de América |
| Lugar | Minneapolis |
| Localización | Powderhorn |
| Data | 25 de maio de 2020 |
Resumo
George Floyd, un home afroamericano estadounidense, morreu por asfixia por falta de oxíxeno,[1] provocada polo oficial Derek Chauvin, quen tras esposalo e poñelo boca abaixo coa axuda dos axentes Thomas Lane e J. Alexander Kueng, quen acusadores din premeron ao arrestado contra o pavimento co seu xeonllo apoiado sobre o pescozo de George Floyd durante 8 minutos e 46 segundos. Floyd, mentres era detido, repetiu varias veces a frase "I can't breathe" (en galego, "Non podo respirar").[2][3][4][5] Mentres isto sucedía, o oficial Tou Thao, quen tamén se encontraba na escena, limitábase a observar e controlar aos presentes.[6] Este suceso foi gravado cos teléfonos móbiles dos presentes e difundido en diversas redes sociais. Os catro oficiais involucrados foron despedidos ao día seguinte.[7]
Segundo algúns medios, Floyd foi arrestado por intentar facer unha compra cun suposto billete falso de 20 dólares nunha tenda de comestibles.[8]
A solicitude do Departamento de Policía de Minneapolis, o FBI está conducindo unha investigación federal de dereitos civís respecto a este incidente. Paralelamente, a Oficina de Aprehensión Criminal de Minesota abócase á investigación de posíbeis violacións dos estatutos estatais.[2]
Produto do falecemento de Floyd, leváronse a cabo unha serie de manifestacións, as cales partiron en Minneapolis e estendéronse a todo o país. Nun principio, as manifestacións e protestas provocadas a raíz do deceso de Floyd foron pacíficas. Despois, parte dos manifestantes vandalizaron un recinto policial e un AutoZone, e ademais incendiaron, saquearon e danaron restaurantes e tendas nos arredores, como sucursais de Wendy's, Target e Dollar Tree.[9] A policía respondeu a estes feitos disparando gases lacrimóxenos e balas de goma contra os manifestantes.[10][11]
Persoas involucradas
George Floyd
George Floyd era un cidadán estadounidense[3] nativo de Houston, Texas, onde asistiu á Escola Preparatoria Yates, da que se graduou en 1993.[12] Floyd era un amigo do ex xogador de baloncesto Stephen Jackson, a quen coñeciu mentres vivía en Texas.[13]
George Floyd vivía en St. Louis Park, Minesota, onde se mudou despois de cumprir unha sentenza por roubo agravado[14]. Traballou como garda de seguridade nun restaurante de Minneapolis durante cinco anos.[15][16] Debido á pandemia de COVID-19 acababa de perder o seu emprego.[17] Floyd tiña unha fillaa chamada Gianna.[18]
Oficiais de policía
Derek Chauvin
Derek Chauvin, de 45 anos, foi identificado como o oficial que inmobilizou no chan a Floyd e asfixiouno co seu xeonllo no pescozo.[19] Traballaba no Departamento de Policía de Minneapolis dende 2001.[19] Chauvin contaba con 18 queixas no seu rexistro oficial, dúas das cales terminaron en medidas disciplinarias por parte do departamento e entre as que se incluían cartas oficiais por represión. Estivo involucrado en tres tiroteos, un dos cales tivo vítimas mortais.[19][20][21] O 29 de maio de 2020 Chauvin foi arrestado e posto baixo custodia.[22] Foi acusado por homicidio de terceiro grao e homicidio involuntario.[23]
Tou Thao
Tou Thao cursou a academia de policía en 2009 e conseguiu un traballo de tempo completo en 2012. En 2019 foi demandado por brutalidade policial, asunto que foi resolto fora dos tribunais por 25 mil dólares.[19]
Outros oficiais
Os outros dous oficiais implicados, identificados o 27 de maio como Thomas Lane e J. Alexander Kueng, tamén foron despedidos.[2] Ningún contaba con queixas no seu rexistro.
Notas
Véxase tamén
Outros artigos
- Protestas pola morte de George Floyd